هلا اختي اول شي الف مبروك والله يوفقج
بالنسبه حق اللوك
اوافق اختي اللي قالت لج عن الصبغه خاصه ان هالالوان دارجه واااااايد السنه وتناسب الكل تقريبا
بس القصه غالبا المدرج يناسب الكل لكن الافضل انج تروحين صالون على مستوى تثقين فيه
وتخلين الخبيره تختار لج اللي يناسب شعرج
مع ملاحظة ان الشعر المصبوغ يحتاج للعنايه الدائمه واستخدام مستحضرات خاصه فيه
في اللبس ابتعدي عن البناطلين او قللي منها شوي
الجلابيات الخليجيه حلوه وااايد وتعطي اناقه ولو كان عندج اي عيوب بالجسم تغطيها
وطبعا لازم تشترين لج كذا طقم رسمي (تنانير وجاكيتات)
اما حق الايام العاديه قمصان او بديات واختاري الاشيا الغريبه والغير منتشره بكثره بس بشرط انها تناسبج
مع التنانير الطويله او القصيره بالقصات والالوان المختلفه
وبما انه الملجه بالصيف اختاري الاحذيه المفتوحه وطقميها مع الشنطه والملابس
بالنسبه للأكسسوار لاتكثرين يكفي كذا ساعه وخواتم
واكثر شي دارج بالاكسسوار الحين الشغابات الطويله(الحلق) او (اقراط الاذن)
وطبعا لاتنسين تفصلين لج كذا عبايه حق الطلعه بموديلات بسيطه وراقيه
واختاري اللي يناسبج من العطور الجديده
للنهار تقدرين تختارين(سكادا الجديد *لوّا) مثلا او يكون العطر خفيف وريحته تميل للفواكه
للسهرات مثلا(لاّنستانت من جيرلان*كوكوشانيل*شانيل5)
يفضل يكون العطر مرفق بالبدي لوشن والشاور جل عشان تدوم ريحته
مكياجج خليه خفيف وناعم
اتمنى اكون افدتج وماطولت عليج اختي
وتذكري ان الاناقه في البساطه
تحياتي
__________________
