السلام عليكم ورحمة الله
والله أنا لما اقرأ مشاركة لرجال حاب يفاجأ زوجته أطير من الفرح ما ادري ليش يمكن من زود الرومانسية
على العموم لو حاب تسوي فكرة الأخت دهن العود بتكون حركة وايد حلوه وان من زمان كان نفسي اسويها بس عندي إضافات وهي انك تملا حوض السباحة بالشموع الي تطفو على الماء و لو حبيت تثبت كم بالونه على حواف الحوض ولا تنسى شريط الموسيقى و بيكون الجو آخر رومانسيه
ومن رايي عادي تسبحون مع بعض بالعكس بيكون الجو شاعري والميكروبات صح تنتقل بس يا ما ويا ما رحنا مع العائلة مسابح وما صار فينا شي الحين بتجي على طويلة العمر بالعكس انا من رايي تكون مجهز لبس سباحة من الي يحبه قلبك وتعطيها اياه
وبالنسبة للهدية اشتر لها عطر حلو او خاتم اوي اي شي بس يكون معبر واختار كلمات حلوه للكارت تناسب الهديه مثلاً لو اشتريت لها عطر اكتب بالكرت هذه مجرد محاولة لإخبار العطر أن هناك من يفوق رائحته جمالاً وغلفها بطريقه حلوه وخذ كم بالونه منفوخه بالغاز وثبت الهديه فيها وحطها في صندوق بحيث لما تفتحها تطير الهديه
واتمنى لك حياة سعيدة مليانة بالرومانسية
ولو حبيت افكار ثانية أنا جاهزه