سلام عليكم
أختي أم نواف أخر شي تفكرين في هو الطلاق , ما مر سنة على زواجكم دايماً أول السنتين تكون هناك خلافات ,طولي بالج .بختصرلج الكلام في نقاط عشان ما تملين ان شاء الله :
1. لا تنسي ذكر الله والدعاء في كل صلاتج و كل سجودج كذلك ثلث الأخير من الليل.
2.كووني صبورة.
3. تدلعي.
4.التغيير , التغيير في طريقة الكلام و اللباس و العادات مثل , انت تقولين ما أحب اجلس مع أهله ,غيري هذه العادة جالسي أهله و قدميلهم الهدايا على فكرة اذا كسبتي أهله ,بيوقفون معاج ضده يعني لما تكوني ملانه بتشوفين أهله هم اللي يطلبون منه انه يطلعج و يفسحج.
5. تثقفي في طريقة التعامل مع الزوج .في الخليج العربي ما شاء الله عندنا أساتذه وااااايد يسهلون عليج التعامل مع الزوج,مثل استاذ جاسم المطوع و الدكتور صلاح الراشد و الأستاذ خليفة المحرزي.
6.لاتنسين انتي عضوة في احلى منتدى فيها مواضيع واااااايد بتساعدج.
أختي أم نواف اخر شي تفكرين فيه هو الطلاق بصراحة انا اكتبلج هالكلام و انا احس اني بدمع لأن الطلاق مو شي هين عشان نستهين فيه ونقعد نهدد أزواجنا فيها .تكفين خلي الطلاق بعييييد.
اتمنى لج التوفيق