السلام عليكم ورحمة الله وبركاته



مرحبا يااخواني ابطرح عليكم موضوع كثير منا يعاني منه....

يمكن نقدر نطلع حلول تعيننا على اهل الزوج وغيرتهم وضعف الزوج امام اهله...

الحين ليش الازواج يشجعون اهلهم على اهانة زوجته...يعني لو مره تكلمت اخته او امه عليها
مايحاول يرد اعتبار زوجته او يحد من تجريحهم لها؟؟

بينما الزوجه لو تسوي شي بسيط او على الاقل لو تدافع عن نفسها امامهم..غضب عليها وثارة بطولاته؟؟ الى هذا الحد ضعيف عند اهله؟؟ قوي شجاع جبار امام زوجته المسكينه؟؟

لماذا يحتفظ الازواج باسرار اهلهم واسرار بيته يلخصها في (اذن امه وخواته)
لو يغيرون قطعة اثاث راح يشاورهم عشان مايزعلون( ولدنا يتصرف ولايعلمنا)؟؟

اليس من حق الزوجان ان يعيشا حياتهم مستقله وفي حريه تامه؟؟؟

ليش اذا لبست الزوجه لبس جديد او ساعه فخمه..قالو(ايه من خير ولدنا المسكين ماتجلس الفلوس عنده من كثر طلباتها))

اليس من حق الزوجه ان يهديها زوجها ويعيشها على قدرته المعيشيه؟؟

ليش اذا ما رزقهم الله بأولاد قاموا يشبون عليه يتزوج لو كان العقم من الزوج؟؟على قولهم
(جرب وش يضرك ماتدري يمكن البلى منها)؟؟

ليش الزوج يجبر زوجته على زيارة اهله اذا تعاملهم سيئ معها..رغم ان الحكم الاسلامي
لايوجب عليها زيارتهم .....وزيارتها لهم تعبر عن حبها لزوجها وحبها له يجعلها تحب اهله...
ولكن اذا وجدت اسائه بالتعامل لايجب عليها زيارتها وليس عليها حرج....

ولا اذا بغوا يرفعون ضغط الزوجه قاموا يمدحون في الحريم الي شافوهم بالزواج الفلاني..رغم ان الزوجه تفووق الموصوفه بالجمال..ولكن بس عشان تنقهر..


لا اقول لك ايتها الزوجه تعاملي معهم بسوء بالعكس(زيدي طيبه وتقرب لهم لان ذالك يسعد زوجك فتنقلب حياتكم سعاده..
امه وابوه تحمليهم فلكبر سنهم احترام
وعلى ولدهم حق لهم فساعديه على اداء واجباته تجاههم .. تجاهلي عباراتهم اللاذعه الموجه لك..احترام لسنهم


ولكن اعاتب الازواج الذين يعلمون بتطاول اخواتهم على زوجاتهم...ولا يعملون اي شي في فرض احترامه واحترام زوجته المسكينه...التي قد يكون سبب تطاولهم عليها ساعه جديده شافوها عليها..(وغارو)


وكم من زوجات كثيرات صبرت على اهله ومشاكلهم في مسكن وواحد...وامضت عمرها صبر

على الالم والمر والحرمان..مايبونها تطلع او تدخل.. يبونها تطبخ وتستقبل وتنظف؟؟؟ولا

طلعت مره بالعمر للسوق لازم تاخذ البيت كله معها.؟؟؟ مافيه حريه؟؟ :

وبالاخير زادت فلوس الرجال وراح تزوج عليها؟؟؟ تكافئ بضره؟؟
الصبوره المسكينه المكافحه
تنتظر الوعود ببيت مستقل لها ولاولاده..ويصير البيت المستقله للزوجه الجديده...؟؟




لا اكتب هذا الموضوع عن تجربه شخصيه.. ولكن عن المجتمع المحيط والزميلات
ولا انفي مروري ببعض المعكرات من اهل زوجي ولكن انا(( كعودٍ زاده الاحراق طيبااا))
واهون من غيرهم الحمدلله...




تحياتي للجمممممممممممممميع

__________________