نبض الحيارى
حبيبتي اش الكلام الفاضي هذا اللي تقولينه انت غلطتي بدل الغلطة ألف
أول شي كيف تسمحين لنفسك تقيمين علاقة مع شخص ماهو لك ولا يقربلك وحتى لو يقربلك مو محرم لك
الغلط الثاني استمرارك سنتين في الغلط
الحاجة الثالثة واحد سفهك وسابك وراح تزوج وحده ثانية ورايحه تلاحقينه
كان يتسلى فيك لأخر لحظة من أيام عزوبيته ولمن فكر يتزوج أخر وحده كانت في اللسته أنت
لو كان له هوا فيك كان تزوجك من أول وش اللي مجبور يتزوج بنت عمه
ليه احنا في أي عصر عايشين ومن متى كان الرجال ينجبر
ولمعلوماتك لمن كان معصب كانت أصدق لحظة له لمن قالك حلي عني
وسيبيني وراس مالها 100 ريال ورقم جديد
أحمدي الله إنه ستر عليك ولا فضحك عند أهلك لمدة سنتين ولا تتمادين في
غلطك ومتابعتك له ... إن انتقام الله شديد
أنسي الرجال وسيبيه بحاله وأغتنمي شهر رمضان فرصة للتوبة إلى الله
وشوفي حياتك وأشغلي نفسك بطاعة الله وهوايات جديدة ولا تضعفين قدام الشيطان
في البداية حتتعبين وبعدين راح تندمين على كل لحظة أهنتي نفسك فيها لشخص ما يستاهل
وأعذريني لشدتي بالرد بس أحيانا الشخص محتاج للي يشد عليه مو يطبطب عليه
تحيااااتي