السلام عليكم
والله لولا الحيره وضيق السبل ما قلت هالمشكله اللي عندي
خاصه انها لا ينفع لها دكتور ولا اقدر اشتكيها لا لأمي ولا لصديقه
المشكله ومافيها ان زوجي لا يستحم الا كل اسبوع مره هاذا في الصيف وفي الشتا كد قعد من دون مبالغه اسبوعين
ولكم ان تتخيلو هالشي مع كونه مدخن ولا يفرش اسنانه اطلاقا حتى يمكن اظافره تطول ويقعد بالثلاث اسابيع ماقصها
وانا وش موقفي؟؟؟؟؟؟؟؟؟؟؟
من اول الزواج وانا مستحمله ريحه الدخان لكن على الاقل يتروش كل يومين كل اربعه لان نشاطنا الجنسي كان اكبر
والأن العلاقه تكون مره بالاسبوع والأستحمام منها اليها وأذا ماتم بقى على حاله
وان تعبت من المجامله بصراحه شي ماتقبله النفس خصوصا انه اثر على علاقتنا الحميميه والله احيانا ما اقدر اقرب له من ريحته حتى لو بيني وبينه متر واذا جا هو وقرب لي اجي على نفسي بس والله غصب عني ما أتجاوب معاه كويس وانا ادري ان هالشي ياثر على نفسيته واغصب نفسي احيانا عشان مايزعل
واقولكم انه يحبني كثير وان احبه بس والله بدا هالشي يأثر على حبي له لأني بديت احس بعدم اهتمامه بي بالرغم اني اهتم بنفسي واتروش كل يومين واحط احس ن دهن العود والعطور وهاذي من الطرق اللي استخدمتها حتى انبهه او يستحي لكن مافيه فايده
وحاولت معاة بالتلميح والتصريح لحد الزعل وهاذي المره اللي زعلت فيها قعد اسبوعين (عناد. ماادري)
ولما يتروش احيانا اكون منتظرته بغرفه النوم لابسه ومتكشخه ومولعه الشموع والمح له انه يغريني اذا استحم
لكن مافيه فايده
اللي مخوفني ان هالشي بدا يأثر علي وصرت ماأهتم بنفسي واستخسر اني البس له وهو كذ ا
واقعد بالخمس ايام مااتروش ابيه يخس وبالأخير ما استحمل
بالله قولولي اشيرو علي وش اسوي صراحه احسها مشكله صعبه لأنها ببطء تسلبنا متعه حياتنا
الله يوفقكم دلوني خاصه الأزواج الأفهم بنفسيه الرجال كيف التعامل معاه