اقتباس:
|
المشاركة الأصلية كتبت بواسطة الشمووخ
المرأة هي المسئولة عن تصرفات زوجها تجاه الخادمة..
عندما تعطيها الصلاحيات في الامور التي يجب على الزوجه القيام بها مثل: اعداد الافطار ,تجهيز الملابس في اثناء عدم تواجدها بالمنزل ,اعطائة قائمة بطلبات المنزل , الاهتمام بالاولاد  , وغير ذلك من الامور التي يندى لها الجبين من بعض الزوجات
الخادمة دورها مساعده للزوجه في المنزل فقط سواء كانت موظفة او ربة منزل ,, وليس عليها القيام بجميع المسئوليات ,,
عزيزتي الزوجه انتي تستطيعين ابعاد الخادمه عن زوجك بعقلك وتصرفاتك الحكيمة وبادري الى ذلك قبل ان تقع الفاس على الراس.. |
عزيزتي شموخ انا معك في كل ماقلتيه
فانا مثلا لااحب الخادمه ان تطلب من زوجي اي شئ او انها تقدم له الشاي او او ....
فلو طلب زوجي شئ اقوم انا بتلبيته له ولو هي اللي عملت الشاي فانا بنفسي التي اقدمه له ولا اسمح لها ابدا بتجاوز حدودها ابدا.
مثلا في مره جاء واحد يبي زوجي يحرك السياره من مكانها في الشارع قامت اهيه علي طول راحت الغرفه علشان تخبره قمت انه عاد
قلت لها:هــــــا تعالي هني وين رايحه
قالت لي:هذي في واحد يبي بابا يشيل السياره حقه
قلت لها: شوفي عاد كل شئ ولا بابا انت اذا في شي تبينه تقولينه لي سمعتي.
لكن شاقولك يا شموخ ساعات اهيه تطلب من زوجي بعض الاشياء الخاصه بالبيت ما ادري اهو من الغباء الزائد واسمحوا لي على ها لكلمه لان صج صج صج اللي عندي غبيه بشكل فضيع تصوروا ساعات اقول لها اومرا تعالي يبي لي........... وقبل لا اكمل الطلب ما اشوفها جدامي وين صاحبتي ما ادري واناديها مره ثانيه علشان اسألها وين راحت
تجاوبني مسكينه بكل بلاهه بانها تبي تجيب لي اللي ابغيه ولما اسألها عن اللي ابغيه
تحك رأسها واهيه تفكر......؟؟؟؟
