سيدتي

الله يكون بعونك يارب ، حالة جداً صعبة ،

لا تحاولين تغيرين طبعه في يوم وليلة، يعني لا تتوقعين من المنتدى يعطيك حل تطبقينه على زوجك وبكرا يتروش كل يوم

المرحلة الأولى خليه يتروش كل 3-4 أيام مثلاً . وهكذا

انا رأيي تشتغلين على أكثر من طريقة
يعني :
طريقة 1) جهزي له ملابس نظيفة اذا قام الصبح وتأكدي المويه مو باردة ولا حارة ( في الصيف: السخان طافي، وفي الشتاء السخان شغال ) واطلبي منه بأسلوبك انه ياخذ دش ، وقولي له ثوبك نظيف وعندي لك عطرك المفضل و.. و.. و.. عشان يتحمس ويتروش ولو على السريع .. وزي ما قال الأخ/الأخت جهزي له زيوت عطرية واقترحي يجربها.
وكذلك لما يجي يوم الجمعة ، قولي له يا زوجي يا أنيق، وجهزي له عود (بخور) أو دهن عود وملابس نظيفة. وخليه يشخص للمسجد
واستفيدي لو كان عنده عزيمة أو اجتماع مهم في العمل ووريه انك حريصة انه يطلع أنيق ومرتب ونظيف

طريقة 2) في نفس الوقت مع الطريقة الأولى ، ممكن تقولين له في جلسة هادئة ، وهو يستمع لك - مو يقرا جريدة أو يشوف تلفزيون - أو تكتبين له رسالة اذا استحيتي منه، أنه اسعد لحظة في حياتك لما تكونين في حضنه ولما تقتربين منه ولما ولما..... من الكلام الحلو وقولي له احب رائحة العطر عليك واحب جسمك النظيف .... وبلغيه انه لما يكون ما تروش فترة ما ترتاحين معه ولا تقدرين تقدمين الأفضل له.. وشوية صراحة من هنا ومن هنا.
بس احذري اذا كان زوجك حساس فلا تجرحينه وتقولين له ريحتك شينة أو اقرف منك. لانها بتنقلب عليك السالفة

طريقة 3) أيضا في نفس الوقت، واصلي الحركات الحلوة: السريعة تروشوا سوا، اسحبيه بلطف وعطيه دش سريع
قولي له بعد العشاء ابي ابوسك بس بعد ما نفرش، حطي له رسالة علميه عن أضرار التدخين واكتبه عليها صحتك بالدنيا


اتمنى اكون أفدتك
والله يخلي لك زوجك ويخليك له يا رب