السلام عليكم ورحمة الله وبركاته

بدايه أحب أشكر القائمين على هذا المنتدى الرائع... وجزاهم الله الف خير

ثانيا : انا راح أطرح مشكلتي هنا.. وماأدري اذا كان هذا هو مكانها المناسب ولا لأ.. بس المشرفين راح يتفضلون بنقلها للمكان المناسب...

مثل ماقريتوا .. المشكلة متعلقه بصديقتي ....

في يوم من الايام كنا انا وياها نتناقش كالعاده في كل أمور الحياة ...

وكان من ضمن هذي النقاشات ..موضوع الزواج...( طبعا هذا هو الموضوع الاول والاثير عند العزابيه )

المهم موضوع النقاش ماأذكره زين..بس انه جرّنا لنقطة ...علقت فيها صديقتي ( بمزاح ) أنها تتقزز..وتقصد من الجنس.. انا رديت عليها وقلت لها هذا الحين بس راح يختلف كلامك بعد ماتتزوجي وراح تتبني رأي آخر ( او هذا اللي أعتقده )

المهم السالفه جات كانها مزاح وأغلقنا الموضوع...

صرت ألاحظ على صديقتي فعلا ... بعد كذا مرة نقاش انها تتقزز من الجنس...

وانا حسيت ان السالفه جد ومافيها هزار....

المهم :

في يوم من الايام سألتني صديقتي ان كنت أحس بمثل احساسها هذا !

طبعا انا انحرجت وقلت لها لأ ...!!

توقعت ان السالفه فيها ان جرجرتها في الكلام الين اعترفت لي بشيء خطير...وقالت

ان تعتقد ان شعورها هذا ناتج عن تجربه من يوم كانت صغيره...

وهي انها كانت تزور احد أقاربها له بنات بنفس عمرها..

والحقير كان يأخذها معاه ..بس ماتتذكر ايش بالضبط كان يسوي !

حاولت أخليها تتذكر..هل اغتصبها لا سمح الله..ام شي آخر ..

بس ماقدرت تتذكر أبدا... فيه كلام غامض وصورة ضبابيه تتذكرها وهو انه قعدها على كنبه وقالها لها انتي شاطره لاتخبري أحد !!

ياجماعه الخير في شي أخطر من هذا وهو :

ان هالنذل الحقير تمت محاكمته بتهمة اغتصاب البنات الصغيرات ! ...

وقصه صديقتي صار لها اكثر من 15 سنه... يعني كان في ذيك الفتره هو يغتصب الاطفال !!

صديقتي خافت كثير.. والأدهى والامر انه تمت محاكمته بتهمه اغتصاب ابنته !!

يانااااس ابنته اغتصبها...!

لا اله الا الله..

طوال عشرين سنه يغتصبها وماحد يعرف !!

الحين صديقتي خايفه جدا..

وحاولت اقنعها تروح عياده تفحص بس رفضت...

قالت ..الله سبحانه يعلم اني مظلومه وماراح يفضحني ان شاء الله...

ونعم بالله..لكن الأمر يحتاج اثبات من قبل العياده المتخصصه انها اغتصبت قسرا ومن سنين طويله...

حاولت اقنعها بس هي رافضه ...قالت اذا اكتشفت لاسمح الله انه غير عذراء ماراح تتزوج.. فالاحسن تظل على عماها !

نحن ندرس بالخارج وصديقتي هذي بنت محترمه جدا ...فحاولت اقنعها ان احنا بره مااحد راح يسمع بالسالفه أحسن مانرد ديرتنا ويمكن احد يشمشم الخبر...

المهم هي رافضه..وانا أحبها وأخاف عليها.. ان شاء الله النذل ماسوى شي كايد.. بس التأكد ضروري...

يااخواني بأيش تشورون علي..

المشكله ماحد يعرف بهذي السالفه غيري....

وهذا سر أثقلني ..لازم اساعدها...

سااااعدوني انا الحين...

الحل ؟ ؟

__________________
ليتك تحلو والحياة مريرة.... وليتك تصفو والأنام غضاب
وليت مابيني وبينك عامر.... ومابيني وبين العالمين خراب
ان صح منك الود فالكل هيّن.. وكل الذي فوق التراب تراب
(( يالله ))