هلا أخوي ssab201

شكرا لمشاركتك الرأيي لي ..
و هذا هو رأيي كذلك ..

و مو مشكلة لو يقولوا بعد سنة أو سنة و نص ..
بس الفكرة ( متى ؟ ) ..

ما أحب أكون كذة ..؟؟
زي الطرشة بالزفة ..

مدري و الله ..؟؟
و عشان كذة بأسأل ..؟؟

هل الإتفاقات على أمور الزواج تتم بالطريقة هذه ..؟؟
يطلبوا البنت و يتقدموا لها وووو إلخ ..

و من غير تحديد لموعد عقد القرآن ..؟؟
يعني أحس نفسي ( مثل المعلقة ..؟؟ ) ..

و كل ما وحدة سألتني متى الملكة ..؟؟
أقول لها ( مدري و الله ؟ ) ..؟؟


و شكراً لك أخوي ..

_______________________

هلا أخوي .. megagame ..

أشكرك كثير و الله .. ومعاك حق ..

و بالنسبة لـ ..
فهو لساعته ما صار ..؟؟

و ما أقدر أحدثه و حتى و إن حدثته ..
فالصراحة مااااااااأقدر ،، و الله إحراج و ما أتجرأ ..

و إحنا عندنا أول شئ ( عقد القرآن ) ..
ومن بعدها ممكن الوحدة تكلم الشاب ,,
و تفهم شخصيته ووو إلخ ..

فعشان كذة ..
يمكن هذا سبب من أسباب انزعاجي ..؟؟
إني ما أعرف عنه ( غير اللي نعرف عنه ) ..

و ما أعرف إيش هي مشاعري تجاهه ..؟؟
سوى اعتمادي على الله أولاً و أخيراً و استخارتي له ..
و قناعتي به تماماً و بصفاته و أخلاقه و دينه ..

لكن كشخصية و تفكير ..؟؟
فلا أعلم و لا أستطيع الحكم عليها الآن ..؟؟

معليه أطلت عليك ..

و أشكرك لمشاركتك الرأيي لي ..