مساء الورد !

عزيزتي سارونيتا ..كيف انتِ ؟!
اولاً انتِ لم تسرفي في الدلال ..ولكن هو اعتمد عليكِ واحب ان يكون سلبي.

وهنا تكمن المشكلة في ان الزوج سلبي ومرّ على زواجكم ثمان سنوات
وهو على هذا الحال!

اجلسي معاه ..قولي له انت سلبي في البيت ,, مااحس بوجودك
اشرحي له تفاصيل اليوم الي تفضلتي وقلتيها لنا .
قولي له البيت السعيد ماينبنى على شخص واحد ,,لازم اثنين
ومن حقي ومن حقك ان نعيش سعيدين .

اسمحيلي على الصراحة .. بس هو الان صعب يتأثر لانه تعود انج تكوني المسؤلة عن كل شي تشترين الاغراض ..تتصلين له عشان يجي لج الدوام .. تتصلين له تلمحين له عن الاولاد
يعني اعتمد عليج كلياً . زوجي دائماً يقول لي انا ثمرة زرعج!
اتعلمي تكوني قوية .. احيانا الحياة تتطلب منا القوة لوقت معين وبعدين خلاص
وكوني طبيعية معاه ,, اذا انتِ زعلانه قولي له انا زعلانه
ليش تكتمين في قلبج هو زوجج وحبيبج مثل ماتقولين ليش تخشين عنه!

وابدئي التغيير منج انتِ .. حسسيه بواجباته وانج ماراح تقومين بواجباته
وانج تحتاجين له .. لاتتصلين له عشان ياخذج من الدوام
اتفقي يوم من الايام مع ربيعاتج او تكسي عشان يحس!
او ظلي في الدوام لليل الى ان ينتبه لنفسه.

وان شاءالله اجرج على رب العالمين ,,وهو اختبار وان شاءالله تكونين من الصابرين
واطلبي من الله حاجتك ..

تحياتي لج واسأل الله ان يفرج عنا واياكم