أختي أم فيصل ...
الآن انت في عز معمعة المشكلة و تحسين انها كبيرة .. لكن بالهدوء قليلا و التريث ستجدي انها ليست بهذا السوء و يمكن التعامل معها ...
انا زوجي نفس زوجك ... عايش حياته بالطول و العرض يعني عايش عيشة عزابي ... حياته كلها عمل و ممارسة هوليته الرياضة و ما يرجع اللا الساعة 10 يبي يتعشى ويمر على ربعه شوي...
لكن هذا مبرر اني اتطلق منه .. لا طبعا ... الأزواج حظوظ .. وحدة زوجها يساعدها في البيت .. و متحمل مسؤوولية البيت معاها و الأولاد و يحميهم و يأكلهم ... و وحدة لا.. توقفت عن المقارنة بين زوجي و أزواج الأخريات ... و قلت في نفسي صح زوجي في هذي النقطة مقصر معاي ..بس في نواحي إيجابية فيه أكثر .. وبديت أقنع نفسي بزوجي .
لا تسمعين للنسوان اللي تقول لك زوجك ما يساعدك؟ .. كل هذا تتحملينه بنفسك؟ ... انت اللي عودتيه! .. إلى آخر هذا الكلام ...
و استشهدي بمقولة والدة الأخ هامس في هذا المنتدى (( ما يخرب على الحرمة عل زوجها اللا ال كلام الحرمة ))
و إذا كنت تعبانة من المسؤوليات .. ممكن تخلينه يساعدك شوي شوي ... من غير ما يحس .. الرجال ما يحب صيغة الأمر أو النصيحة المباشرة ..يعني مش بالمواجهة

تعوذي من الشيطان ... حاولي تهدين الموقف أول شيء .. و بعدين فكري بهدوء شلون تحلين الموقف

الله يوفقك أختي .. و يبعد عنكم المشاكل إن شاء الله