السلام عليكم ...

والله ما اعرف ايش اقول لك ... انت فعلاً توك صغير على موضوع الزواج .. ولسه قدامك مشوار طويل لين تكون جاهز عشان تتقدم لبنت الحلال ...

بس احب اقولك شئ .. الحياه مو كلها جنس وبس ... وغلطان اللي يشوف لها من هذا الجانب فقط ... انت لازم تبعد تفكيرك عن هذا الامر وتشغله بامور اخرى .. حاول توسع دائرة اصدقائك ... حاول تمارس عدة رياضات او هوايات .. انت اكيد عندك مواهب ماتدري عنها لاءنك في طور اكتشاف لنفسك .. حاول تكرس وقتك لتعلم لغه جديده مثلا ... او القراءه ... او اي شئ تحس نفسك راح تبدع فيه ...

او حاول مثلاً انك تفقه نفسك في الدين او تحفظ اجزاء من القران الكريم .. وهذه امور ثوابها كما تعرف في الدنيا والاخره ... يعني راح تضرب عصفورين بحجر ... تعمل لدنياك واخرتك ... تنتظر بنت الحلال وتضمن ثواب الاخره ....

وبعدين انت الحين تعيش اجمل سنوات عمرك وانت ماتدري .. لسه عقلك وقلبك خالين من الهموم والمشاكل والمسؤليات... فحاول تستفيد من السنوات هذه لانها فرصتك الوحيده لممارسة هواياتك ... ولاتضيعها وانت تفكر في امور الجنس ... لانك بعدين وبسبب انشغالك وراء توفير لقمة العيش ماراح تلقى وقت لنفسك ...

ترى اللي يدفعك للتفكير في الجنس هو حب الاكتشاف لعالم مجهول عنك ... لكن الجنس لايعدو عن كونه متعه ولذه كغيره من الامور ... يعني مثل لذة الاكل والشرب وغيرها ... وهذه متع وملذات لاتدوم إلا للحظات ودقائق فقط من وقتك وبعدها ترجع لدوامة همومك ومشاكلك ... وصدقني لما تتزوج راح ترجع تقول هذا هو بس اللي ضيعت سنين مني وانا افكر فيه ومتعطش لتجربته ...

يعني باختصار لاتضيع منك احلى سنين عمرك وانت تفكر بمتعة لحظات.. ووسع مداركك ... انا مثلاً اتمنى لو ارجع بمثل سنك ... كنت راح اتفادى كل اخطاء المراهقه وراح استغل كل ثانيه من وقتي بكل ماهو مفيد ...