لالالالالالالا تستخدم الحبوب هذه ابداً .... عشان ماتندم على هذا بعدين يوم تكبر وتتزوج وترجع تشتكي من مشاكل جنسيه مع زوجتك وتقول لاقوا لي حل عشان الضعف اللي صار لي ....

احنا مو عشان تقول متزوجين ولا مملكين مانحس بمعاناتك ونقول لك الجنس مو كل شئ عشان نخفف عنك ونواسيك ... ابداً مو هذا القصد ... بس انت توك صغير وتشوف للامر من منظار واحد وهو احتياجك انت وبس ... ادري ان كل شئ حولك يذكرك باحتياجك هذا .. التلفزيون والمجلات والفضائيات وربعك وكل شئ .. ادري والله ... لكن انا اكلمك مثل اخت كبيره لك .. وترى انا لي اخ في سنك واخاف عليه يضيع وراء اوهام سن المراهقه ... عشان كذا ابغى ساعدك ...

انت مشكلتك انك تبغى تحرق كل المراحل بسرعه ... ورغبة الاستكشاف هي اللي تحركك ... تبغى تجرب وبس ... طبعاً تخاف يكون بالحرام عاد مافي غير الحلال ... وانت عاد تخيل رد فعل الوالد لو قلت له ابغى اتزوج ... طيب لو فرضاً حصل هذا وتزوجت الان ولو انه مستحيل طبعاً ... طيب وبعدين ... مو الحياه راح تستمر ... وراح تكون عندك مسؤليات وعمل وبيت ... الخ ... الخ ... وماراح تتوقف حياتك عند هذا الشئ ... ولاراح تقضي عمرك وانت جالس مع زوجتك في حالة ... يعني بالمختصر الجنس ماهو كل شئ ... اصبح انت لازم تفهم من الحين قبل فوات الاوان ....

نصيحتي لك ... الشئ اذا اجبرت نفسك على عدم التفكير فيه تنساه ... وانت حاول تستغل يومك بكامله باشياء اخرى مفيده ... ودراستك اولى طبعاً بوقتك ومجهودك ... انت تحتاج لتشجيع واهتمام ودافع كبير يدفعك للامام .. وانت باءمكانك تخلي حاجتك هذه لامراءه تشاركك حياتك هو الدافع لك للدراسه ... يعني كون قول لنفسك ... اكيد البنت هذه اللي بتكون حلالي تبغاني صاحب شهاده ومثقف ...مو واحد جاهل مايعرف كوعه من بوعه... وهذا راح يخليك تجتهد في دراستك ... وقول كمان حق نفسك اكيد انها تبغاني اكون مو مثل اي شخص عادي ياكل ويشرب وينام ... اكد انها تبغاني بشخصيه مبدعه عشان تكون مفتونه فيني وتتفاخر فيني بين صحباتها ... وهذا راح يدفعك لتوسيع اهتماماتك وتنمية قدراتك وممارسة هوايات ...

ترى احنا البنات تسحرنا شخصية الرجل الواثق من نفسه ... العاقل الرزين ... المثقف .. البنت مننا تبغى واحد يكون الجميع ياءشر عليه بالبنان لانه شخص ناجح ... عشان هي تفتخر وتقول هذا خطيبي او هذا زوجي .. مو اللي قاعد يفكر طول يومه بالجنس مثلك ... وهامل دراسته ومستقبله ... وترى لو سمعتك بنت تكلمها عن الجنس راح تنفر منك .... ولو كان فيك وسامة الدنيا ولوعندك مال قارون حتى ...

عاد فهمت قصدي ولا لا ؟؟؟؟