السلام عليكم ورحمة الله وبركاته
بما اني مبتدئه في عالم الماكياج حبيت استفسر منكم عن بعض الأشياء اللي ابحث عنها
نبدأ بسم الله
أولا: بالنسبه للأساس اي ماركه اللي تعطي لون طبيعي وكأنه لون البشرة وماتعطي اللون الابيض الفاتح <==== تكون الوحدة كانها حاطه طحين على وجهها
يعني لون وسط مع العلم ان بشرتي لونها فاتح
ثانيا: بالنسبه للكونسيلر أي نوع أفضل لأن ياكثر الماركات اللي بالسوق والواحد مايدري الاحسن منها يعني لو تكرمتوا من بعد تجاربكم تنصحوني بأفضل نوع
ثالثا: نجي الحين للآي شدو شنو الماركة اللي ألوانها حلوة وزاهية ولونهاوتبقى ثابته لفترة أنا جربت جيفنشي هو مب شين بس شفت بنات حاطين ألوان أحلى بس ماادري من أي ماركه فاللي تعرف لانبخل علي بمعلوماتها.
رابعاوالأهم: نجي الحين للجزء المهم وهو الكحل والماسكرا وينقسم الى قسمين
أولا الكحل الأسود القلم أبي كحل أسود صح ويبقى ثابت لفترة ومايسيح ويخرب الماكياج
جربت ديور ولانكوم وكلهم مايمر ساعة الا وهو سايح
بعدين اذا عندكم طريقة أقدر أسويها عشان أثبته قولولي تكفون.
ثانيا الكحل القلم الملون شنوافضل ماركة اقدر استخدمها
الحين جينا للكحل السائل والماسكرا سواء السوداء أو الملونه وشي أحسن ماركة له
خامسا: بقى الحين لنا البلاشر والروج والجلوس أي نوع الاحسن
أدري اني مابقى شئ الا وسألت فيه وتعبتكم من كثر الطلبات <====وحده ماتنعطى وجه
بس تكفون اللي عندها خلفية في هالأمور تساعدني لأني جد محتارة ومليت من كثر ماأجرب
تحياتي
وفي انتظار ردودكم