أخي الكريم جداوي:
بصراحة حالة صعبة ومشكلة غريبة مو بقصتها الغريب بطولها يعني ثلاث سنوات وماخلتك تشوف جسمها الله يعينك والله مشكلة واظن ان الحق الأول والآخر عليك انت لأن كل ماتزيد المدة كل ماحيزيد الخجل والنصيحة الأولى إنك حاول تنهي المشكلة هذه بأسرع وقت وتعال شوف معي إيش حتسوي:
عندك عدة طرق ومنها مثلا حاول تبتعد عنها يعني توريها إنك مليت منها يعني طنشها شوي وهي حتستغرب إنك بتبعد عنها ووريها إنك زعلان منها وهي مادام إنها تحبك وتبيك حتصير تحاول ترضيك بشتى الوسائل وخاصة هذا النوع الخجول يعني لما تجي تبي تكلمك وتسألك تقلك إيش فيك كده زعلان أو مبتعد عني لك مدة قلها بصراحة ماني حاسك زوجتي وحاس إن قلبي بيبعد عنك وكأنك غريبة عني طبعا قلبها هي حيصير بين رجولها وتقلك ليه تقول كده كده هنت عليك بهالسرعة ولا إيش شفت مني عشان تقول لي كده فأنت طبعا قلها صادقة إيش شفت منك (هههههههههههه) لا تقول كده قولها بصراحة حاس نفسي غريب لا تخليني أشوفك ولا حتى اتمتع بجمال جسمك يعني زيي زي الغريب وبصراحة كده حاس قلبي بيشرد عنك وصدقني حتخاف لكن انت خلك زعلان ولا ترضى لين تسوي اللي تبيه منها يعني حتقلك طيب والله حاولت وانا ماني قادرة مستحية فإنت قلها خلك على راحتك انا مخليكي على راحتك ثلاث سنين وحط راسك ونام وكده يوم بعد يوم حتحس برغبتها فيك وبشوقها ليك عدا إنها حتحاول ترضيك وصدقيني حتسوي اللي تبيه منها وصدقني إذا هي تحبك حتسوي اللي تبيه.
طريقة ثانية اللي هي ممكن تشككها بجسمها (انا خايف يكون من جد فيها شي!!!) وطبعا البنت ماتحب تكون ناقصة وهي لوحدها حتمهدلك الطريق لكن صدقني الأولى مجربة بأشياء أصعب من حالتك وخذ مني العلم لو ماصار اللي تبيه ما أكون أنا دكتور ماهر (هههههههههههههه) بس ارجوك قلنا إيش الحل اللي طلع مناسب بعد ماتنحل مشكلتك عشان نستفيد وممكن ننصح غيرك لو صارت معاه مثل هالمشكلة.
بعض الشباب الحلوين اللي ردوا قالوا وفجأة افتح النور وصدقني ماهي طريقة لأنك كده ممكن تأزم الموضوع أكثر ولو شفت شي هادا إذا ماغطت نفسها باللحاف المرة الثانية ماحتخليك تسويها يعني ماهي بطريقة صدقني.
ميما: كيف يتغسل معها وهي ماتخليه يولع النور ترى هادي اصعب من الاولى تراك حرقت دم جداوي لأنه مايمكن يوصل لهادي قبل مايوصل للأولى.
حلو الحياء لكن ضمن حدود!؟