لا ياأختي الغالية تعودي على هذا الشي غنت حلو منك إنك فهمتيه هذا الشي من بدري لكن كمان إنت لازم تقدريه ةتقدري طريقته في الكلام وإسلوبه إلين ماتتعودوا على بعض ، وإنت هالحين بس شايفة الموضوع صعب لكن والله لو عشتوا إنت وإياه في بيت واحد رايحين إن شاء الله بإذن الله تتفهموا بعض وكل مين منكم رايح يعرف إسلوب الثاني ويمشي معاه بالطريقة إلي تعجبه لكن أنا أقولها لك نصيحة (( طيعي زوجك لأن هذا الشي واجب عليك ولو في يوم من الأيام أمرك أو كلمك بإسلوب ما يناسب شخصيتك معليش طنشيييييييييييييه ولا تخلي في بالك وأتركيه وقومي سويله عصير أو أي حاجة هو يحبها لكن لاتعصبيه وتردي على كل كلمة يقولها وهو في حالة الغضب إلين يهدا ويقول لك إيش بك زعلانة قولين له بهدوء لأنك إنت سويت كذا وكذا وأنا هذا الشي زعلني منك )) وصدقيني إمكن هو كمان حا يجي لك ويعتذر منك قبل لا تصارحيه وهذه الطريقة مجربة أنا كم مرة نصحت بها زميلاتي وعملوا بها وشوفيهم ماشاء الله عليهم رجالهم معاهم صاروا زي العسل

ومبروك ألف مبروك يا عسل عاى الخطوبة وإن شاء الله الله يتمم لكم على خير

__________________