السلام عليكم ورحمه الله وبركاته
اولا اخي في الله عليك بالدعاء والصبر وأيضا عدم سماع صوت الشيطان اللي بيفرح في خراب البيوت
أنا كان عندي نفس المشكله مع زوجي في أول الزواج وفعلا كانت حاجه تضايق جدا بس أنا لم أستسلم أو أيأس كلمته وبعدين كلمت أهله نفسهم وخاصه مامته وفهمتها اني بتضايق جدا وان الحاجه الي بين الزوجين المفروض ماتخرجش بره بس هي كانت بتتحجج بانها عايزه تتطمن علينا قلتلها أمال يعني ايه كلمه البيوت أسرار قالت لا يعني الي في غرفه النوه والعلاقه الزوجيه انا ماليش دعوه بيها طبعا تعبت اوي وكنت اسمعه يكلم مامته في التليفون وابكي وكتبت له جواب انك بتأذيني ودي غيبه وفين بقي بالصبر والدعاء خفت الحكايه خالص حتي لما اقول حاجه لأهله مامته تحلف انها ماتعرفش الا مني دلوقت
مهم اوي عدم اليأس والدعاء دول هم سلاح المؤمن
طبعا الغلطه بتاعت ضربها دي لازم تعتذر ليها حتي لو بطريقه غير مباشرة تجيب هديه وحاجات المولود وتاخدها في مكان تتعشوا سوا وتتكلموا بصراحه واسألها عن حاجه بتضايقها منك تحاول تغيرها فيك وانت كمان قولها علي الي مضايقك
وربنا يوفق الجميع