ليش كلامكم يبين كأن الزوجه مخلوقة غبيه ولا خبله كلمه توديها و كلمه تجيبه او تحللون لأنفسكم أشياء تحرمونها عليها؟؟؟؟؟؟
أعلمها على الكمبيوتر ولا ما أعلمها؟؟ بالله عليكم؟ أختي اللي عمرها 5 سنوات تعرف للكمبيوتر
والانترنت حاله زي حال أي شي ثاني وضع للافاده لكن "بعض" الناس أسائوا الاستخدام بس هذا ما معناه ان نعمم هذا الشي و ان زوجتك ضروري راح تسوي كذا (و إذا ما كنت واثق فيها من هالناحيه فهذا معناه ان فيه عندكم مشاكل أكبر محتاجين تحلوها)
أنا مثلا زوجي اللي دلني على هذا المنتدى (مع اني أستخدم الانترنت أكثر منه) قال لي حطيت موقع بالمفضله ودي انك تشوفيه فشفته و دخلت المنتدى و قرأت شوي و بعد كذا سويت لي اشتراك و صرت أنا اللي أقول لزوجي عن المواضيع (يمكن لأني أنا و هو من جيل اليومين دول علشان كذا عندنا عادي؟؟)
و بعدين ياخي و اذا دخلت البالتوك وش فيها؟؟؟ خل الحرمه تعرف اللي حواليها مع انها صراحه جد شي مدري شلون أنا دخلت مره أشوف سالفته و ما حبيته أبد اما ناس صايعين ولا ناس يتهاوشون يعني كلهم ناس ما عندهم سالفه فبطلت
أما ضع لها ضوابط و راعي مستوى ثقافتها و درجة تدينها (كأنك تتكلم عن طفل ولا انسان متخلف عقليا قاعد تفكر هل هو مستعد لمواجهة المجتمع ولا لسه) فهذا اما يدل على ان زوجاتكم انسانات متخلفات (بمعنى ما تدري بالدنيا) أو ان "على سبيل المثال" العضوات اللي بالمنتدى ناس مش كوييسين
و عموما زي ما يقولون كلا يرى الناس بعين طبعه و اللي على راسه بطحه يعرف وش يسوي لها
و كلمه أخيره ما ودي أحد يزعل من كلامي أو ياخذ الأمور بحساسيه يعني هذا رأيي الشخصي مو معناه انه صح مو معناه انه غلط و إذا أحد عنده رأي ولا تعليق على كلامي أحب اني أسمعه