اقتباس:
|
المشاركة الأصلية كتبت بواسطة خياله
تفاحه
أنا عندي نفس المشكله تماما نفس القصه بضبط
ما صارلي سنه من تزوجت كشفت الخيانه من 6 أيام من العرس مسجات كانت وحده بس دوم كان أيبلي أعذار كل ما أكتشف شي من المسجات والصور
مرت الأيام بيني وبينه على أساس أن هو ودرها؛ حطيت بالي أن ما في شي بس عقب فتره أكتشف الخيانه من التيلفون ف السياره ،
أنهاريت من شفت التيلفون ما عرفت شو أسوى ما كلمته لمدة يوم واليوم إلي عقبه طحت ف المستشفى فليل كنت حامل ياني و كل عاده أيبلي أعذار من الهم تخيلي إن ربيت ف الشهر السادس ضيعت الولد؛ وقت الولاده قالو أن الولد ما راح أعيش وكان هل الولد كل حياته حس بذنب بمعنى الكلمه ، ندم ع اليوم إلي عرف ف هل بنت ،تم ولده شهرين يتعذب جدامه من عمليات وأبر وأدويه وغير ،والحمد الله طلع الولد من المستشفي ،وعدني أن مارح أكلمها مره ثانيه نوالحمد الله كان عند كلمته .
أختي عليج بصبر لا تضايقين عشان رجل الإن محد يستاهل ، لا ضيعين عمرج والولد إلي ف بطنج ترى محد يستاهل
أختي عليج بصبر اصبري بتنالين ان شاء الله
من تحياتي بنت خياله
|
السلام عليكم ورحمه الله وبركاته
أهلا أختي الخياله ... أشكرج كثيرا على مواساتج لي ...
وأقسم بالله إن نفس اللي صار لك صار لي .. من كثر ما تعبت نفسيتي ... طحت في المستشفى لمدة إسبوعين كاملين ... وقالو إنه إجهاض وراح ينزل البيبي ... وأنا كنت متأكده إن هذا بسبب نفسيتي والكل كان عارف وملاحظ ... بس إتصدقين إنه كان يزورني من فتره لفتره ويمر اليوم ولا يجي ويتصل مره أو مرتين في اليوم فقط ... وتعبت نفسيتي أكثر بعدم مبالاته وإهتمام أهلي فيني أكثر منه ... ومع هـذا عذرته وقلت في نفسي هذا لأنه غير إجتماعي وخاصه مع أهلي ... ولكني كنت أشوف علامات التعجب في وجوه أهلي ويمكن حتى أهله ..؟؟!! هـذا غير عن سؤالهم الدايم عنه ...
ولكن ولله الحمد البيبي نجى من الإجهاض ... ولما رجعت حسسني بأهميتي معاه وقعد يقولي كلام مثل العسل بأن البيت من غيري ما يسوى وإنه لا يستطيع النوم وأنا بعيده عنه وغيره من الكلام المعسل...
وقلت في نفسي مافي شي يسوى ... ومافي حد يستاهل وراح أهتم بنفسي وبالبيبي وأأدي واجباتي وخلاص ... ولكن هل هذه حياه ..؟!
بدأت أخرج مع صديقاتي في وقت عمله وإنشغاله لأنسى كل شي ... وأهتم بأشياء أخرى وبشراء الملابس والأحذيه والعطورات والذهاب للتسوق والمطاعم مع صديقاتي .. وأكلمهم في الهاتف لساعات يوم يكون مش موجود طبعا .. وكل هذا عشان أنسى وأرتاح ... ولكـنه هذا كله بدى يضايقه ... منعني من الذهاب مع صديقاتي للتسوق وللمطاعم وحتى مجرد تغيير جو صار ممنوع ... وأحيانا يطلب مني إغلاق هاتفي عنهم ... وأنا معاه ولا أرده ...
بل بالعكس حسيت بإهتمامه وغيرته علي ... وقالي أي شي تبينه بس أنا اللي أعمله لك بس ... وإنسي صديقاتك ... وقعدت أتعامل معاه بهالإسلوب ونسيت كل شي وحتى أهلي .... ووووولـــــــكــــــــن ؟؟؟؟!!
ولـــــــــكـــــــــن وللأسف الخــيـــانه والكــذب مره أخرى ... إكتشفت رقم واحده كان يهاتفها قبل وهي ترسل له مسجات وهو يرد عليها بالمسجات وغيره ....
شو الحل برأيكم ... سـاعدوني تكفون يا أهل الخبره : ( تجيني لحظات أكرههه فيه وأكره حتى الجلوس معه ... إقسم بالله إني ما أقدر أتحمل خيانته وأنا اللي كنت متخيلتنه فارس أحلامي وإن نادر في هالكون يجي واحد مثله وفي طيبته وأخلاقه
ولكن طلعت كلها أوهام ...