هاي وجه الفجر

انا كنت عاملة تقويم تقريباً الي سنة شايلاه

اول نصيحة بنصحك اياها اي دكتور اسنان بتروحي عندو لا تدفعيلوا مبلغ اكبر من مرحلة العلاج اللي انت بتكوني موصلالها يعني كل شهر ادفعيلوا 20 مو اكتر من هيك، خلي يخلص العلاج بعدين عطيه اللي بستحقوا اكتر من هيك لا تعطيه

انا عملت تقويم وما عجبني بس انا حالتي بسيطة كتيير كانت وهلا بحط ريتينر (تقويم متحرك) عشان الفراغات البسيطة بين الاسنان وعملت تلبيس 4 اسنان من الجنب وما عجبوني 3 مرات غيرهم وما زبطهم منيح، بعد ما خلصت تقويم روحت 3 مرات راجعت عشان التقويم المتحرك وهلا ما عاد اروح احيانا بروح كل شهرين او اربع على كيفي بس عشان ينظف ويشد الريتينر بعدين سرت اشيدوا لحالي

هوه طلب مني 1300 دينار اردني دفعتلوا منهم تقريباً 700 دينار خلال سنتين ونصف على فكره مافي تقويم بخلص قبل سنتين او سنة ونصف في ابسط الحالات متل حالتي طبعاً ، والعمر كمان بفرق في فترة العلاج ، يعني التقويم 800دينار وانا دفعتلوا منهم بس 700 والتركيب ما دفعتلوا منهم شي وما بيسأل ان دفعت او لا وهلا الي تقريباً شهرين مو رايحة ، وهوه عارف انوا ما عجبني شغلوا عشن هيك ما بيقدر يفتح تموا

كنت اروح استشير اطباء اسنان وكلهم حكولي مو زابط التركيب ولا التقويم قولي التقويم مو مأثر كتيير ولا مبين كتيير

وهلا بدي ارجع اعمل تلبيس جديد لاسناني قبل زواجي انشاء الله عن قريب رح ابدأ اشتغل فيهم

انت هلا بتحكيلوا انك ما بدك تكملي معو بتاخدي ملفك من عندوا وبتاخدي فلوسك بس طبعاً مو كلهم بي لغاية وين موصلة انت بالعلاج وبتروحي دكتور تاني تكوني متأكده منو وبتعطيه ملفك وبتكملي عند غيروا

في شاب كان يتعالج عند الدكتور اللي انا بتعالج عندوا قبل ما يخلص مرحلة العلاج اخد ملفوا وراح يكمل علاجوا بالسعودية

يعني لا تترددي وتحكي لا خلص بكمل عندوا اذا ما قبل يعطيكي شي انا مجربه والتقويم معاناه وآخر هالتعب يطلع شي مو منيح لا بنصحك تشوفي غيروا ، وما تسكيتيلوا اذا اتلائم معاكي

وانشاء الله بتلاقي دكتور منيح وتكوني انت مرتاحه ويسيروا اسنانك ولا احلى من هيك ، بس اوعي تعيدي غلطتك مع الدكتور الجديد وتدفعيلوا دفعات اكتر ما بتستحق فترة العلاج اللي انت فيها

وطمنيني شو بسير معك

وسوري على الاطالة