السلام عليكم
الله يعينك، انا بس ابغى اوضح بعض الأمور وبعض الطرق إلي ممكن تقدرين تخففين وزنك عن طريقها.
لا تقطعين الأكل: اغلب الناس إذا بغى يخفف من الوزن قام وقطع الأكل صحيح إن وزنه ينقص ولكن جسمه يضعف لأنه ما يجيه الغذاء الكافي فتلقين بعض الناس يتبع الرجيم الكيميائي وغيره وينقص وزنه ولكن في النهاية تلقى جسمه ضعف وصحته تتدهور بسرعة!
الحل: حاولي قطع الدهون قدر الإمكان وتناول الأكل الصحي، وبما أنك ربة منزل فهذا معناه إنك تطبخين فتقدرين تطبخين الأكلات المطلوبة بدون دهون. قاطعي مطاعم الوجبات السريعة وخصوصاً البطاطس.
حاولي التقليل من الكربوهيدرات من الرز والخبز، فمقدار 100 غرام رز هذي 300 كالوري تقريباً يعني تحتاج ساعة مشي سريع عشان تحرقينها!
طيب وش تاكلين: كلي إلي ودك مادام غني بالبروتين خصوصاً اللحوم والدجاج ( صدور ) والسمك ( إبعدي عن المقلي ) السلطات لابأس بها وحطي معها ( شوي ) زيت زيتون لأنه يحتوي على مادة إسمها omega3 وهي تساعد في حرق الدهون.

التمارين: المشي ما يكفي إذا كان عندك سير ممتاز ( لكن ما انصح بإقتنائه للأنه يؤذي الركب ) وإذا كان عندك سيكل أفضل ( وايضاً هو أفضل من السير ولكن مشكلته إنه يؤذي المؤخرة ) أفضل الأجهزة هو الكروس ماشين. حاولي تتمرنين عليه 20 دقيقة كل يوم 6 أيام في الأسبوع فقط! على الأقل تمرني 20 دقيقة في اليوم ولا تتعدي 60 دقيقة مجموع التمارين. باقي ال 40 دقيقة تمارين بطن وأوزان خفيفة ( العضلات ما تطلع بسرعة وعند الحريم خاصة لأن ما عندهم هذيك العضلات من الأصل.
رجيم الأكل اتبعيه 6 أيام في الأسبوع و في اليوم السابع كلي إلي تبغين! عدد الوجبات في اليوم 4 وجبات واتبعي قول الرسول صلى الله عليه وسلم بحسب إبن آدن لقيمات يقمن صلبه.

نصائح أخيرة: اول الأيام يبي ينقص وزنك بسرعة ولكنه يبغى يثبت فترة ولكن مع الإستمرار يبي ينزل للوزن المطلوب.

اي مساعدة ثانية انا جاهز.