اختي معالم جزاك الله عني خير الجزاء واقر عينيك برؤيه الحبيب المصطفى وامنك يوم العرض وثبتك على الصراط واسكنك الفردوس الاعلى اللهم امين مثلما كانت كلماتك بردا وسلاما علي ..

ووالله يا اختي لا اكره ان اكون انسانه جديده من اليوم ولكن المشكله اكبر من توقعاتي فكل يوم اقول خلاص من بكره اتحول وحده ثانيه يجيني بكره اخص من اليوم وهذااا مثل اليوم الاربعاء اسمعيه مني قد لا تساطيعين مساعدتي ولكن يكفي ان تسمعيه

ففي هذا اليوم وفي محاوله بائسه مني لاصلاح الحال بيني وبين زوجي قرات موضوع احدى الاخوات بخصوص طريقه لاستقبال الزوج وجهزتها على كل ما يرام وصرفت بنتي عند اهلي وولدي في المدرسه وزوجي كان مستلم في عمله وميعاده يجي 8 الصباح فجهزت الشموع والورد وما يحبه زوجي من افطار على طاوله المهم جو خيالي جدا كم حلمت يوما ان يكون اهداء من زوجي وحينما دخل زوجي قال وش المناسبه قلت مافي مناسبه بس حبيت نكسر الروتين شوي ومن ها الكلام المهم ماقصر اكل وشرب ونام وانا اشعر بغيظ في نفسي ولكن احوله الى ابتسامه عريضه لعلي اكسب وده ومضى كل شي على ما يرام من دون ان يمدح اي شي مما وقعت عينه عليه ولا حتى انا

المهم في العصر ميعاد الاربعاء يكون الاجتماع في بيت العائله الي هو بيت جدتي ورحت ابي اغير جو شوي مع عيالي واهلي وهو الي وداني عندهم بنفسه وعند عودتي الى المنزل ماذا تتوقعين كانت المفاجأه والتي ان ارى رد عطائي لليوم لو كلمه طيبه وش تتوقعين سوى؟؟؟

رجعت والغى الاف القنوات الاباحيه زياده على القنوات التي عنده ودخلت عليه وهو يحط الرقم السري ونظرت اليه وسقطت والله يا معالم من طولي من هو المفاجاه

ابكي واقول له ما جزاءي وما تقصير ي يقول ولا شي انا قلت انك مقصره ما قلت بس ابي افلام اجنبيه واي شي فيها عادي يالله يا اختي قد ايش هانت عليه نفسي وقد ايش نزفت وطلعت احكي اخته قالتلي وربي ما ينطاق

هل هذا الحال في توقعك سيساعدني للافضل ؟؟

واي نفسيه جيده وهذا حالي والمصيبه وربي ما يصلي من يوم يبدء في متابعه ها الافلام ولا اقسام الفضائح والغرائز في النت ولو جيته من باب الحلال والحرام واتقي الله اتهمني مره بالجنون ومره ضربني ضربا مبرحا سويت على اثره 7 غرز خياط في يدي بس ضربه لي بصحن قزاز وانكسر على ساعدي ووالله يوم رحت المستشفى خفت اقول هو مع انه جات لجنه التحقيق الي في كل مستشفى وقال تتهمي احد قلت لا انا سقطت

معالم الحال يعلم الله بهاا والجو من حولك لا يساعدك والاهل الله المستعان بس الام ما تبيني اجيها مطلقه وابوي مو حمل تعب يعني لا راحه مع الاهل ولا مع الزوج والحمد لله

معالم تقويت ومازلت وساظل لاخر نبض بي متعلقه بالله فوالله اني لاشعر براحه نفسيه عظيمه عند الصلاه والدعاء

اختي الف شكر على روابطك القيمه ولا تنسيني من صالح دعاءك هذاا ما استطيع قوله