spider اشكرك كثيرا على متابعتك موضوعي يظهر ان مفيش حد حاسس بيا غيرك و ربنا يعوضك عن خطيبتك خير
عموما والدي حفظه الله مهما اوصف لك حبه لي لن استطيع لان والدتي حملت بي بعد عدت سنوات من الزواج فعلمني على ان اكون
صوره اخرى منه ولا في يوم طلعني انا غلطانه يعني انا قلتله لابعد عني الهم شويه لكن زعل من خطيبي وقالي ازاي يعني عاوزك تتغيري لكن في الاخر قالي كلها ان شاء الله مشاكل وتعدي لكن اصبري لحد هو ما يتصل عليك

وفعلا خطيبي اتصل عليا النهارده من ساعتين سألني عن اخباري وتكلمنا كتير كتير وقلت على كل شيء جوايا وعلى كل اللي مدايقني منه وقلتله اني قلت لوالدي فقالي انا قلت كلام وقت عصبيه ليه تغيري صورتي قدامه وقالي انا عارف انه عمره ما يطلعك غلطانه ازاي هقدر اكلمه الوقت والمهم قالي انه يحبني جدا وانه هينسى اي حاجه حصلت واي كلام ونبدأ من جديد وانه هينسى حتى اني بحبه لكن انا حسيت اني مش قادره وان مش صافيه من ناحيته واني لسه في حاجه جوايه ودا مش بسبب اخر مشكله لكن دي نتيجة تراكمات انفجرت كلها فقلتله انا حاسه اني لسه محتاجه فتره افكر فيها لاني مش هستنى لما اتزوج وبعدين انفصل فحسيته زعل وقالي اذا كنت فعلا حبتيني كنت نسيت اي حاجه لكن انا مش زعلان وخدي وقتك وفكري بس ما تتأخريش عليا واذا حصل وانلفصلنا انا عمري ما هزكرك بسوء ولا اقول عنك اي شيء وحش بالعكس هزكرك بكل خير مش عارفه اذا كان تصرفي دا صح او لا بس حسيت اني لو اتكلمت عادي ببقى اخدع نفسي واخدعه ومش عارفه برضه اخد قرار والمفروض مدة تفكيري تكون اد ايه يعني ارد عليه بعد اد ايه