بسم الله والحمد لله والصلاه والسلام على خير خلق الله

بصراحه سمعت كثير عن هذا المنتدى ومالله وفقني لدخوله الا في ها الوقت انا احتاجكم واحتاج رايكم وخاصه اني عرفت ان فيكم اهل خبره وصلاح

اخواني انا لست متزوجه اسمعوني الله يخليكم ابي احد يقولي حل

انا فتاه ابلغ 20 من عمري باختصار لقيطه وما عرفت الا ها الاونه الاخيره ومن عرفت ما ادري ليش كرهت ها العالم مو لان هذا قدري لا لان الناس صارت وحوش معي حتى العائله الي اخذتني من الدار وربتني طانت تفهمني اني يتيمه وابوي وامي ماتوا في حادث وفي يوم امي الي هيا طبعا الي ربتني ما ادري ليش صارت تغار مني على ابوي الي هو زوجهاا وانا الي كنت اعرفه انهم امي وابوي بالتربيه ولكن انفجرت في قائله انتي لقيطه ومانتي يتيمه وانا ما سويت شي بس من كبرت صارت تعاملني معامله غريبه مع العلم انه ابوي الي هو الي ربناني اخته رضعتني يعني يصير عمي وانا والله ما ادري وش جالس يصير بس الي ربتني صارت تهينني وتقولي انتي لقيطه والاصل يرجع لاصله وما ادري وش ذنبي انا ما سويت شي والله ما سويت شي بس هي كل ما شافت ابوي سلم علي ولا قالي كلمه حلوه ثارت فيني وضربتني وقالت والله انتي بنت حرام افهمي ها الشي


طيب يا ناس انا صح بنت حرام بس وش ذنبي مو بيدي اخترت قدري وكل الناس الي حولي من العائله الي ربتني صاروا يعاملوني بحذر وما يخلو بناتهم يخالطوني ويقولون هي طسيه واخلاق صح بس مردها ترجع لاصلها العرق دساس وانا مالي والله في شي كرهت كل العالم وحتى الي يجون يخطبوني ما يرضون لمجرد اني لقيطه مع العلم اني جميله بس يقولون مانبي بنت حرام

وش اسوي وهل صحيح انا بنت حرام وبصير دايم زي اصلي طيب انا ما اعرف اصلي من الاصل

والله تعبت وما ادري وش اسوي كل العالم يكرهني ويحتقرني لاني لقيطه