هلا اختي
بكون صريحه معاك لان اللي يجاملك ويلف ويدور مابيكون يحبك او يخاف على مصلحتك
هالاشخاص ممكن تلقينهم بأي مكان مب شرط الشات او غيره
الشات موجود والنت موجود والمنتديات موجوده وكل شخص وحسب حسه بالرقابه والمسؤوليه الذاتيه
ومب شرط يكون كلام الشات او غيره قلة ادب
مابطلع عن الموضوع
انتي انجرفتي معاه وادري ان هالشي صعب
بس لو استمريتي بيقدر ياخذ منك اشيا اكثر
اتركي المنتدى وغيري رقم جوالك بدون ماتنذرينه حتى عشان مايلف ويدور ويحاول يوصل لك
ادري صعب لانك تعلقتي فيه
بس فكري معاي اللي يحب وحده عممممممممره مابيفكر يأذيها
بالعكس كان بيصارحك بانه يبيك بالحلال
هو يطبخك على نار هاديه مثل مايقولون
بدت بالرسايل الخاصه ووصلت للمسجات
حبيبتي واختي في الله
انتبهي على نفسك ولاتخلين السالفه توصل لشي اكبر
بتقولين لا ومستحيل
بس وايد غيرك قالو هالكلام
وانا شفت قدام عيني بنات قالو هالكلام وندمو بس الحمدلله تلاحقو عمرهم
بس وحده منهم للحين وانا تركت صداقتها
حبيبتي لو طلعت عليك سمعه او حاول يشوه سمعتك محد بيخسر غيرك
بتخسرين الناس من حولك وثقة هلج فيك
واهم شي ثقتك بنفسك واحترامك لذاتك
اتمنى كلامي مايكون جارح بس انا بنت مثلك وفاهمه مشاعرك
حاولي حاولي حاولي قد ماتقدرين وبتتركينه باذن الله
لو كنتي حاسه انه صج يبيج قوليله متى بتخطبني؟
ماظن بتلقين جواب بيبرر ويلف ويدور ويتعذ
واظن هذا بيكون الدليل القاطع على كذبه
لاتزعلين من كلامي
تحياتي
__________________
التعديل الأخير تم بواسطة تقوى الله ; 03-06-2005 الساعة 06:20 PM