منتدى عالم الأسرة والمجتمع - عرض مشاركة واحدة - وقت الدخلة ستكون زوجتي في وقت الدورة ، فما الحل؟

02-06-2005, 11:15 AM

Nany80

عضو دائم

تاريخ التسجيل: Apr 2004

المشاركات: 89

وانا كمان....

السلام عليكم...
اخى العزيز اولا الف مبروك على قرب زواجك جمع بيكم الله فى الخير ان اشاء الله ...شوفى انا بكتبلك النهارده علشان اقولك حاجه محدش عرفهاابدا ابدا .....

انا كمان ليله زفافى كنت حائض واستمر الامر اربع ايام بعد الزفاف بس عارف بجد كانت حاجه حلوه جدا جدا اولا ماكنتش قلقانه وخايفه وكنت مستمتعه فى الفرح بتاعى ومش متوتره من الاى حايحصل ... انا طبعا كنت قايلى لجوزى من فتره قبل الفرح انى حاكون حائض

حاجه كمان كانت عاجبانى اوى فى الموضوع ده... كل الناس طبعا بتكون عارفه حانعمل ايه وامتى الا احنا ماكنوش عارفين كانوا كلهم فاكرين ان احنا حنمارس الحب فى نفس اليوم دى حاجه حلوه اوى فيها خصوصيه كمان انك تحتفظ لنفسك بالميعاد الاى تسمتمتع بيه انتى ومراتك بحبكم من غير عشرات الاشخاص ما يكون عارفين ومتوقعين وخصوصا انى اتفقت انا وجوزى اننا منعرفش حد ابدا وتانى يوم الصبح وكالعوايد السخيفه بتعتنا اتصلت بيهم وسألوا ..تماما قلت تماما واحنا اصلا لا تماما ولا حاجه والتمام بتعهم ده ماتمش غير بعدها بكام يوم دى وبرضه كانت حاجه حلوه لانه تم فى شرم الشيخ احلى مكان فى الدنيا

وعلى فكره اول يوم برضه عشنا حياتنا واستمتعنا جدا من غير ايلاج ولا حاجه وفضلنا كده على ما انتهيت من حيضى وكنت مستمتعه انا وجوزى جدا وبعدين ده خلانى متلهفه على اللقاء الكامل مش خايفه منه

ربنا يوقفك ويكملك على خير ان شاء الله