منتدى عالم الأسرة والمجتمع - عرض مشاركة واحدة

02-06-2005, 02:45 PM

memoota

قلم مبدع

تاريخ التسجيل: Apr 2005

المشاركات: 439

بصراحة .. موضوعك مهم جداً .. وانا اعاني من نفس المشكلة ... وسأقول لك تصرفي البسيط تجاه هالموضوع

انا ايضاً زوجي من النوع الاتكالي جداً .. وهو ايضاً من النوع الذي يجلس على التلفاز ويبدأ سيل الطلبات الغير منقطعة ..

ولكن كذا مرة بصراحة تعصبت كثير .

. يعني ما اجلس لحظات الا ويطلب شي ثاني .. فشو سويت

قتله : شوف حبيبي .. والله انا مو عشان اكره اخدمك .. ولكن والله حرام يعني على الاقل اطلب كل طلباتك مرة وحدة ..

وبالمزح قتله : يعني شو عاجبك طولي تمشورني كل شوية .. ؟؟؟؟

المهم الحمدلله الحين احسن .. كل ما يجلس على التلفزيون ويطلب شي اقوم بمرح واقوله يلا تذكر ... ما عندك شي ثاني تريده .. والحمدلله خفت الطلبات .. لان صرت اجمعها مرة وحدة ..

وهكذا

بس بشكل عام احس الرجال كلهم اتكالييييييييييييييييين بشكل كبيررررررررر بصراحة ..

وكأنه ماصدق يتزوج عشان يصير ملك .. مع انه ببيت اهله اكيد كان ما يسوي شي .. لان امه موجودة وخواته ...

الله يكون بعون الجميع ..

بصراحة رد على اختي الكريمة باسمة الحلوة .. والله الله يكون بعونك .. بس لازم شوية تكونين صريحة .. يعني بكرة لاسمح الله وبعيد الشر عنك اذا تمرضتي وجلستي يومين بس بالفراش .. كيف حال البيت راح يكون وحال العيال وابو العيال ؟؟؟؟؟؟؟؟؟

على الاقل خلي شغل ابو العيال عليكي .. وعودي ولادك اذا كبروا انهم يعتمدون على نفسهم .. من ناحية غرفتهم .. العابهم يرجعوها بمكانهم .. تبديل ملابسهم ؟؟؟

والله راح تتعبين اذا تظلين بهالشكل لان الانسان طاقته محدودة .. فانتبهي على نفسك

والله يعين الجميع

تحياتي
اختكم م

__________________

اللهم اني استودعك هذا الجنين فحسن في خلقه وخلقه واجعل عاقبته الى خير .. اللهم يسر حملي وولادتي .. آمين

اللهم احفظها واجعلها بارة بنا يارب .. وارزقها الصلاح في دينها ودنياها يارب العالمين