أولا الموضوع مب مثل ما انت فاهم يا أخ جمر موضوع الأستئذان مب هو محل النقاش الموضوع موضوع عشرة ورحمة ووفاء لزوجته ،يعني هالمعاني الانسانية ابدا ما تنحط في الاعتبار بس حجتكم ان الله حلل وقال مثنى وثلاث ورباع بس تقريبا اغلبكم يا رجاجيل هذا الزمن ما اتفكرون في الآية اللي بعدها على طول اللي تقول بما معناه ولن تعدلوا فواحدة أولى لكم ..معظمكم يوم اتفكرون في الزواج من ثانية اتقولون الله حلل بس ما اتفكرون ان الله حلل بس ربطها بالعدل ..وبعدين يا أخ سي سيد انت اتقول انه تنقصك حاجات نفسية وعاطفية وحاس في صاحب المشكلة انا بصراحة ما بظلمكم وبقول انه انتوا تطلعون حجج واهية على الحرمه بس ليش اتفكرون على طول في اقصر الطرق وهو يا أما الطلاق أو الزواج من ثانية ..ليش ما تلجأون للحوار مع شريكة الحياة وتقولون لها عن الأشياء اللي تنقصكم لأن وايد ممكن بالحوار مرة واثنين ينصلح الحال وتستوي مثل ما انتوا تبون وأكثر لأن انت ممكن في اشياء كثيرة تنقص زوجتك وهي تتألم بس يمنعها اما حيائها أو انها ما تبغي تجرح مشاعرك..أما الرجل انا في رأيي اناني لأنه حتى لو يدري انه الزواج الثاني ممكن يشتت اسرته بعد بيتزوج..وبصراحة انتوا متى ما فكرتوا تتزوجون الثانية تبدون اتطلعون العيوب في الحرمه الاولى وانا استبعد ياسي السيد انت والأخ نافش انه زواجكم الثاني يكون هدفه غير جنسي ..لأن الرجل يحب التغيير واسمحولي هذا رأيي