منتدى عالم الأسرة والمجتمع - عرض مشاركة واحدة - انا نجدي وخطيبتي بدويه؟؟ مره متضاق :(

15-11-2003, 07:32 PM

#16

هاجس

عضو نشيط

تاريخ التسجيل: Oct 2003

المشاركات: 144

هلا والله اختي توت بري ،،

كلامك صحيح وماعليه خلاف ..
لكن لما افكر كثير.. اقول انا ليه احد نفسي على شي مثل هذا؟
وارجع افكر مره ثانيه اقول مافيهم شي!!!!
وتتلخبط كل افكاري ..
وبعدين اخوانها.. واحد 24 ساعه جلسته على الرصيف وهو اكبرهم!!
والثاني يحب السفريات مع اخويانه !!!
والثالث هو الوحيد المتوظف ويصرف على البيت كله!!
والرابع اصغرهم بالمتوسطه ..

.... اظنك فهمتي ليه عيالي اذا جو ماابيهم يطلعون خيلانهم بالشكل هذا!!!

ومشكور ياغاليه على ردك ورايك

---------------------------------------------

هلا والله اخوي خجول ،،

شرفني مرورك ياغالي ..

وهذا الي مقنعني بالموضوع كله ..
كلامك وكلام الاخت توت ..

اني فعلاً انا بتزوجها هي مو اهلها ..
بس ماثل ماقلت عن الاخوان

ومشكور ياغالي على رايك وردك

--------------------------------------------

هلا والله اخوي ابو الرجال ..

ياعزيزي انت ظلمتني بكلامك !!
لاني مستحيل والله لو اخذت عبده واعتقتها ثم تزوجتها ..
ماراح اعيارها يوم بشي ابدا!!!
فمابالك ببنت ناس .. مافيهم عيب غير قلة الماده!! والتحضر !!
وانا داري ياغالي ان الاولاد بيطلعون على ابوهم ..
بس في مثل يقول .. ان الخال بمثابة الام!!!
لانه الوحيد الي تكشف له زوجتي ..
وتكثر جلساته معنا..
بالذات ان شقتي قبال شقتهم بالضبط!!!!!!!!!!

مشكور عزيزي على مرورك ورايك

--------------------------------------------

هلا وغلا اخوي السليل ،،

كلامك درر وربي ..
والي قلته كله صحيح ..
واشكرك جزيل الشكر على دعوتك

وتسلم على مرورك ورايك

-------------------------------------------

حياكِ الله اختي نوره ..

بالعكس والله اروع اخلاق شفتها بهذي العيله ..
لكن مثل ماوضحت قبل المشكلة بالتحضر والسناعه ..
لكن ماخاب من استخار ..

ومشكور اختي على مرورك وردك

-------------------------------------------

ياهلا فيك اخوي البدر ..

ردك مختصر كثير ..
ولكن له معنى كبير ..

وافادني

مشكور اخوي على مرورك وردك

-----------------------------------------

حياكِ الله اختي ملاك ..

صحيح اهم شي التفاهم ..
وهذا الي اخاف انه مايتوفر !!!

مشكور اختي على مرورك وردك

-------------------------------------

هلا فيك اختي حمرة الورد ..

اقصد بان ترتيبهم نص ونص ..
يعني المظهر .. واللبس .. والترتيب لشكل الاخوان ..
هذا الي اقصده نص ونص .. مو صفات او اخلاق ..
وانا ماابيها تطلع من بطن امها وهي متحضره ..
ابيها تكون فاهمتني بس .. هذا الي اخاف ماالقاه معها ..

!!!!!!!!!!!!!!!!!!!!!!!!!!!!!!!!!!!!!!!!!!!!!!

مشكور اختي على مرورك وردك

----------------------------------

حياك الله يادكتور القلوب ..

والله فكرتك عجبتني ..

وبإذن الله بنفذها ..

اشكرك اخوي على مرورك وردك

----------------------------------

هلا اختي ملاك !!!

وليه ببهذلها او احسسها بنقص ..؟؟
والله لو الله كتب وتزوجتها ..
لو تبي عيوني عطيتها هي ..

ومشكور اختي على ردك

---------------------------------

حياكِ الله اختي هدوء البحر ..

كلامك ريحني والله

وصادقه بكلامك .. لكن ماادري ..
كل مااستخرت تضايقت..
واظن هذا الي رادني

مشكور اختي على مرورك وردك

---------------------------------

اخيراً جيت لابو شافي ..
حياك الله ياابو شافي

من قريت ردك وانا متحمس ودي ارد عليك ..
شلون تقول ان ماعندي سالفه ياغالي ؟؟؟
انا ببداية موضوعي ..
قلت انهم يرعون الغنم والرسول عليه افضل الصلاة والسلام
كان يرعى الغنم !!!
يعني ماني معارض على هذا الموضوع تباتاً ..

انا الي مضايقني مستوى التحضر بيني وبين اخوانها ..
هذا هو ..

اتمنى انك فهمتني اخوي

ومشكور على مرورك وردك ،،

-------------------------------

حي الله المشرفه المميزه .. KeeP - In - ToUcH

إتفاقك مع الاخت توت مااعارضه ..
لكن اقري ردي على الاخت توت وعطيني رايك

ومشكور على مرورك وردك ،،

اشكر الجميع مره اخرى على تجاوبهم الرائع..
وردودهم الراقيه ..

تقبلو اجمل تحياتي