السلام عليكم
مساء الخير اخوي هدوء البحر ...غااااالي والطلب رخيص
بس ترى فيه في المنتدى اكثر من اكله مره حلوه وسريعه وسهله
وهذي سلطات سهله وسريعه يمكن تكون متكرره وقديمه بس باحاول افيدك

1:سلطه السبانخ
المقادير
سبانخ
جرجير
كرنب
بصل ابيض
فاصوليا حمرا
التوابل :
(سماق وليمون وملح وفلفل اسود وخل )
الطريقه :
تقطع البصل شرايح طويله ونحيفه والكرنب نفس الشي
اما الجرجير والسبانخ تغسلها زين مره وتقطعها كبار شوي
واذا قطعتها تخلي البصل مع السبانخ لين تخلص من الطبخ علشان البصل يسوي السبانخ شوي وبعدين بعد تقريبا نص او ربع ساعه تخلطهم مع بعض
وتتبلها
وهني وعافيه

2:سلطه الروبيان
المقادير
روبيان
خس امريكي
جزر مبشور
ذره صفرا
التوابل
دريسنق ثاوزند ايلند
الطريقه
اول شي تحصير الروبيان ..تحط مويه على النار وتقطع فيها ليمون وتحط قرفه وحده كبيره مو مطحون علشان يسهل شيلها بعدين وبعد ما تغلي المويه تحط الروبيان فيها بعد ما تنظفه طبعا وتخليه دقيقه تطفي النار وتخليه دقيقتين وترفعه من المويه علشان ما يقسى
وبعدين تقطع الخس شرايح طويله وتخلط باقي المقادير مع بعض

3:الخضار المسلوقه
جزر تكوره بملعقه التكوير او اب شكل تحب بس تكون كبيره شوي
كوسا بنفس الشكل
بطاطس بنفس الشكل
قرنبيط
زهره
ممكن انها تجهز الخضار من الليل
وبعدين الصوص
علبه زبادي
ملعقه كبيره مايونيز
ملعقه كبيره خردل
ملح
فلفل
الطريقه تسلق الخضار او تعملها على البخار
وبعدين تجيب صحن كبير وتحط كل نوع في جهه وتخلط مقادير الصوص مع بعض وتصبها فوق الخضار وا تحطها في باديه في نفس الصحن حق الخضار

4:سلطه الباذنجان
باذنجان مقطع الى مكعبات ومقليه تقريبا كاسه كبيره
خبز عربي مقطع الى مكعبات ومحمص
علبه زبادي
الصوص
ملعقتين خل
وملعقتين صلصه
وعصير نص ليمونه
وملح
وفنجال مويه
الطريقه
نخلط مقادير الصوص على النار وبعدين نخلطها مع الباذنجان ونحطها في باديه ونغطيها بالزبادي ونغطي وجه الزبادي بالخبز

5:سلطه الباذنجان مع البصل
باذنجان مقطع لحلقات نحيفه جدا ومقليه
بصل اخضر مقطع قطع طويله
مخلل الخيار الصغير جدا الحامض مو الحلو
ملح وليمون وخل

الطريقه :
تخلط المقادير مع بعض وتتبل

اتمنى اكون قدرت اساعد اختك ولو عجبتها الطرق علمني اكتبلها بعد
وياليت لو تقولي وش يحب بالضبط علشان نقدر نساعد صح

تحياتي لك ولاختك
اختكم في الله