أختي الكريمة زهرة الأندلس

تحياتي العطرة .. وأسأل المولى سبحانه أن يبارك لك في زواجك ..

شوفي يا أختي ..

أولاً أرجو أن أكون صائباً في أنك قد تأكدتي من أخلاق خطيبك قبل العقد .. وسألتي عنه .. وعن التزامه بالدين ..

أحب أن أقول لك .. أن الشباب مو كلهم واحد .. فيه الرومنسي .. و فيه الجاد .. فيه عالعصبي .. وفيه الهادئ .. فيه القوي جنسياً .. وفيه المسكين الضعيف جنسياً ..

وترى للأسف فيه نوعية من الرجال .. لا يعرفون كيف يعبرون عن مشاعرهم .. تشوفينه لوح ما يعرف يقول كلمتين حلوين على بعض .. مع إنه قد يكون يكن من المشاعر والأحاسيس لزوجته الشي الكبير جداً ...

وطبعاً من الجهة الأخرى .. البنات كذلك تختلف .. ولكل شخصية خصوصيتها وطبيعتها

الحين .. بالنسبة لوضعك .. أشعر أنه يوجد نوع من الاختلاف في طبيعة كل واحد منكما ..

والظاهر إن لم أكن مخطئاً .. حضرتك من النوع الرومنسي .. الحالم .. الرقيق .. تحبين كلام الحب والغزل .. تحبين أن يدللك حبيبك .. أن يشعرك بأنوثتك ..

قد تكونين تحبين الجنس في ذاتك .. لكن ليس عندك هو المقدم .. قد تفضلين أن يكون زوجك رومنسياً .. شاعرياً .. يشبعك أحاسيس ومشاعر .. حتى لو ما عاشرك جنسياً بالأسبوع غير مرة واحدة .. مو مهم .. طالما أنه يحسسك بحبه لك ...

وعلى الصعيد الآخر ...

خطيبك .. زوجك .. الذي يحبك بكل تأكيد .. لكن عنده أصدقاءه .. علاقاته العامة .. الربع .. التمشيات .. السوالف .. الطلعات والفوتات ..

قد يكونون أصدقاؤه مملين عليه وقته وفراغه .. لذلك هو لا يشعر بحاجة للعاطفة ..

وبقدر ما عندك من فراغ عاطفي .. تجدينه هو في وادي وأنتي في وادي آخر ...

طيب وش الحل ؟؟؟؟؟

الحل يا أختي الكريمة أن تعرفي ابتداءاً أن هذه هي طبيعة زوجك .. هو كذا .. نصيبك كذا ...

يعني تقعدين تندبين حظك ؟؟؟

لا

المطلوب منك التالي ...

حاولي تلاقين مشكلة خاصة فيكي .. مشكلة تؤرقك .. قد تكون عائلية .. خاصة مرررررة ...

ولما يجي .. قوليله .. حبيبي .. بعد عمري .. أدري إنك تبي مني هذيك الشغلة .. بس ممكن الحين تسمعني .. أنا محتاجة أكلمك بموضوع .. حضري دميعتين .. وارتمي بحضنه .. وقوليله المشكلة ..

قوليله وش الحل ؟؟ ما في غيرك ممكن أشكيله همي ...

هذا أول يوم ...

بعد فترة .. افتحي معاه موضوع العيال .. وطريقة تربيتهم ..

قوليله .. شلون تبي نربي عيالنا بكرة .. الدراسة .. الالتزام بالدين .. كم ولد تحب ؟؟ كم بنت ؟؟ أسماء الولاد والبنات ... الخ

أختي

القصد .. هو أنك دايماً تحاولين تحسسينه بالشغلات المشتركة بينكم غير الجنس .. المستقبل .. الهموم .. طريقة التفكير ...

كل مرة اخترعي طريقة ..

بس في شي مهم كثيييير ...

لا تخلين هالمواضيع وطرحها يسبب خطيبك إنه يصير يتضايق ويحس إنك ما تبينه ...

خليكي ذكية عاد ..

والله يوفقك .. وسمعينا الأخبار الطيبة

أخوك .. الدنجوان