أنا راح قلك شغلة أول شي جيبي كريم أساس نفس لون وجهك وفيه هلأ كريم أساس مع بودرة مضغوطة كتير حلوة أحلى من الكريم الاساس وبعدين حوطي كحل كتير على عينك من فوق ومن تحت بس على العين لا تطلعي على الجوانب واتمديها وحطي من جواة عينك لون أبيض قلم مثل الكحل بس أبيض هيدا بيكبر العين من جوه بيطلع بيعقد ، وبعدين اتحطي الشدو مثل لون فستانك يعني إذا لونين حطي الفاتح على الجفن من جوه ( ناحية المنخار )والفاتح من بره وحطيه برونزي على ذهبي كتير بيطلع حلو مع الكحل ومديه على العين كلها وتحت الحاجب أكيد بتكوني منظفتيه وراسمتيه كويس كويس حطي تحت الحاجب اللون الأبيض بالأيشدوا وبعدين من عند المنخار والعين من تحت تحت الكحل هيك بس من عند المنخار حطي لون ذهبي شوي بيكبر العين وبعيدين حطي المسكارا وكتريها من تحت اول وبعدين من فوق .
وفي عند محلات التجميل بودرة فيها اللمعة بتحطيها على وجهك كله بيصير بيبرق كتير حلوة جيبيها لون برونزي وحطي منها على وجهك
وبعدين خططي تمك بقلم التحديد البني الفاتح وحطي فوقها قلم حمره بني على بيج كتير فاتح وحطي على خط قلم التحديد عشان ما يبين قلم التحديد وبعدين جيبي اللماع وحطيه فوقهم .
شوفي ما أحلاه بده يطلع بيعقد وفيكي تحطي على جمسك من البودرة اللماع هيدي انا الصراحة جبتها من نيفيا بتعقد على الوجه والجسم كمان .
انا هيك بعرف وبحط المكياج هيك والله بيطلع كتير حلو حتى بشهادات كثيرات من زميلاتي حبيت بس أفيدك وكل ما كانت قلم العين الكحل كثير ونازل لتحت شوي ومن فوق ومن غير مدة على الجوانب الخارجية بيطلع حلو بتبين العين فيها قوة وكبر جربيها بروفة وانا ناطرة ردك جربيه اليوم وشوفي وجهك كيف بدوا يطلع ...
ولا تنسي خبريني ...