السلام عليكم ورحمة الله وبركاته
بداية اشتقت لكم كثيرا وللمنتدى الغالي
أخي مستوى سوف أجيبك على أسئلتك وأنا في انتظار ردك
للإيضاح زوجي يعمل في منطقة أخرى (يعني إذا جاء صار
ملك) ههههههههههههههههه أول ماتزوجنا كنت اجهز سفرة طويلة للفطور وقهوة وشاي وحليب مع إني ماأشتهي بس عشانه وعشان ما أتركه ساعات جوعان وكنت أقعده يفطر ويوصلني الجامعة بعدين أكتشفت إنه مايحب يفطر أول مايعقد من النوم (يعني بعد ساعة ممكن)وأنه كان يفطر عشان أنا أفطر بس..يوم دريت هونت وصرت بس أجهزله كأسة عصير .. وحتى بالأجازة أصحى قبله و
(إن كان مرات يصحي قبلي و يقطف الورد ويحطه على وسادتي).. أرتب السرير أول ماأقوم منه وزوجي دايما يلقاه مرتب وجميل.
حبيبي يحب يأكل أي شيئ مني وإذا سألته يقول مأحب أحدد لاجت منك أحلى وهذا اللي فعلا لاحظته اذا طلب شيئ معين مايأكله هههههههه (هذا يريح ومايريح) الله يعين.
طلبات البيت أطلبها مبكر وهو دامه عندي معناها ماعنده شغل (اوفر تايم).
أحط الأكل في الوقت اللي يبيه ،أبلغه أن الأكل جاهز وأخذ شاور ونأكل في الوقت اللي يناسبنا.
طبعا هو دايم مأخذ راحته في النوم لأن ماعندنا أطفال الله يرزقنا الذرية الصالحة(لنا أربع سنوات زواج) بس 
وجود 
ماتقصر بالشقاوة. بعد هو تعود أجهز له كل شيئ وأطلع الفوط والملابس وصار مايعرف يسوي شيئ بروحه (والله بلشة).
الملابس تنغسل وتنكوي وتكون جاهزة دايم <<<<<<<<<<<<أحيان فيه مساعدات خارجية مثل شغالة الأهل.
أثناء تحضير الغداء أظل بالمطبخ أغسل الأواني وأحضر الحلى أو الكيك أو....وبعد تناوله مايبقى إلا أطباق الأكل أغسلها أثنا تحضير الشاي.
لا مأنام قبله وإذا بيتأخر أستأذن منه بس والله أصحى أول ماأحسه دخل الغرفة....مأقدر أنام وأنا ماشفت عيونه الحلوة.
لازم أصبر أذا تخانقنا ومانام الا النفوس صافية بس لازم نناقش الخلاف في الغد أو في الوقت المناسب(الصراحة مواضيع كثيرة تتأجل لأجل أن الوقت اللي يجي فيه قصير ومانبي نضيعه في خناق).
في العراك على قولتك أحاول ألتزم الصمت لكن المشكلة إني اذا سكت يعصب أكثر وإذا حاولت أروح غرفة ثانية يمنعني وإذا قلت زين ويصير خير بس إهدأ يعصب ويقول لا ناقشيني في الموضوع ولو بقول رأيي بيزعل وإن قلت إنت صح مو غلطان بعد يزعل ...(والله حاله) بس هو حبيب إذا ابتسمت ينسى كل شيئ وبسرعة يهدأ (بس عاد كيف تاجي الإبتسامة).
من ناحية الأغاني صح أنا مو ذاك الالتزام (سائرة على الدرب)لكني ماأسمع وزوجي يسمع ،الصراحة ماعمري ما كلمته بس أقوله بخجل انا ما أحب أسمع واللحين الحمد لله ولا شريط أغاني بالسيارة كلها قرآن ومحاضرات وإن كان مرات يسمع بالتلفاز.
من ناحية نظافة البيت الحمد لله دايما بيتي نظيف وزي الفل وزوجي أول من يشهد لي بذلك.
في الختام تحياتي ودعواتي لك
بس أعتقد فيه أشياء أهم من هالأشياء ماقلتها مستوي.. ولا اش رأيك...
__________________
( رب هب لي من لدنك ذرية طيبة إنك سميع الدعاء)
(رب لا تذرني فردا وأنت خير الوارثين)
دعواتكم لي بالذرية الصالحة وربي يحفظ لي أحبابي
التعديل الأخير تم بواسطة وجود222 ; 10-07-2005 الساعة 09:03 PM