حسبي الله ونعم الوكيل فيهم يعني شو اسوي انا مش خايفه بس من المعامله (الله يعينا جميعا خواتي ) انا خايفه انها تسوي عمل لي ولزوجي وتطلقنا من بعض ..........وظروفه الماديه تعيسه ولا كان طلعنا من زمان حسبي الله ونعم الوكيل فيها ما يهدا بالها الا لما تسوي لي انا وزوجي مشاكل يعني مثلا البارحه اشتد النقاش مبينها ومبين زوجي على شغله كان مكلف بها تخص البيت اللي ساكنين فيه حيث طالب الحكومه باصلاحه علشان ننعزل ونفتك منهم وبعد كم يوم من اخر خلاف رجعت لنا هدايانا انا وزوجي وما قلنالها شي كانت مفكره ان ها الشي بيخلينا نتظايق لكن بالعكس قلت في خاطري انتي مب ويه هدايا
وبعد كم يوم قلت لزوجي خذ فلوس مقابل انك رحت تخلص معاملتنا في الحكومه علشان ما تمن علينا بعدين وتقول اانا سويت لكم (مع ان زوجي من وعى على ها الدنيا وهو مش مقصر فيهم حسبي الله ونعم الوكل فعصب زوجي وكانت هي واقفه عند باب غرفتنا فقالها خذي فلوسج وروحي واقصري الشر وما رضت ورمت لنا الفلوس ع ارضيه الغرفه فمسك الفلوس وناولها وما رضت فرمى الفلوس من فوق راسها وقاللها انا ما بمن عليكم انا طول حياتي اخدمكم وانتو اللي تمنون عليه وعلى طووووووووووووول الحرمه ما كذبت خبر قعدت تولول في البيت وتتهم زوجي انه رفع اييده عليها ........
وتمت تتهمه وتقول ترفع ايديك على امك وانا واقفه اتابع المشهد جدامي وتمت تصارخ وتصيح يعني في ذمتكم يا ناس احنا قصرنا الشر ووالله اني ما كنت اطلع من غرفتي وحتى مع ها ما ارتاحت لين ما يت لين غرفتنا وسوت مشاكل لا وتدعي علينا ليش نحن شو سوينالها ولا ظريناها في شي كلل ها علشان شافت زوجي في صفي الله اكبر عليها وفي ذمتكم الام اللي جذي شو عقابها عند الله اللي تهدم بييت ابنها وتهدم سعادته .....
والحين انا وزوجي قلنا اذا مصختها بنطلع من البيت من دون ما نقول لحد بس بنشيل اغراضنا فلييل وبنخلي قلبها يعورها مثل ما عورت قلبي انا وزوجي ..............
ليش انا ما ظريتها في شي انا كل اللي اسويه .... وقاعده في غرفتي وهي مقهووورهوااايد من شخصيتي اني ما اتدخل في شؤون الغير .........
ما اعرف شو الحل .......وهل من حقنا انا ما نبلغ حد لو طلعنا من البيت ولا لازم نستاذن منهم بعد؟؟