لا يلحق الخاطر هواجيس وهموم
دام الغلا في داخل القلب مرسام
واللي ركز حبك وسوا له وشوم
تفسيره أصعب من تفاسير الاحلام
وكان الغلا قسمة ترا البعد مقسوم
وهاذي هي الدنيا على مر الايام
ــــــــــــــــــــــــــــــــــــــــــــــــــ ــــ
محظوظ من ملك وقتك ولو ساعة
كان تبتسم دنياه وتنتهي قصة اوجاعه
معذور قلبي لو تمناك معذور
ما للغلا بيني وبينك نهاية
ــــــــــــــــــــــــــــــــــــــــــــــــــ
مدري وش اكتب فيك احترت وياك
كل القصيد الي مضى ما عجبني
ودي بقصيده تفتخر بمزاياك
واقول طيبك يا حياتي نهبني
تدري وش اللي شاقني في سواياك ؟؟
(( قلبك كبيــــــــــر )) وبالمحبة سلبني
ــــــــــــــــــــــــــــــــــــــــــــــــــ ــ
البعد طول وقلبي لك اشتاق
والشوق للاحباب محد يمله
برسالتي خذ نص عمري والاشواق
وبشوفتك خذ باقي العمر كله
ـــــــــــــــــــــــــــــــــــــــــــــــ
عجزت لاصبر ما تعودت فرقاك
في غيبتك ماني على الصبر قاوي
وين انت عني وش حياتي بلياك
عقبك حياتي والممات متساوي
زولك معي دايم وطيفك وذكراك
والقلب ماله غير قربك مداوي
ـــــــــــــــــــــــــــــــــــــــــــ
يسري بك الهاجس من الوجد مدفوع
وترتاح بك نفسي وتنسى عناها
واشرب حنانك من جفا الوقت ينبوع
وتشتاق لك عينن بشوفك هناها
عينن سقت ورد الهوى عشق ودموع
يوم المشاعر بينت لك غلاها
ـــــــــــــــــــــــــــــــــــــــــــــــــ
يكفيكم والا أزيدكم
في جوالي ما لايقل عن 80 رسالة من هذا النوع سأعود لاحقا لإضافة المزيد . . .
__________________
أعلل النفس بالآمال أرقبها ^^^ ما أضيق العيش لولا فسحة الأمل
<( أبوفراس الحمداني )>