صباح الخير حبيبتي مستحيه

بقول لك انه من حقك هالخوف وهالارتباك وهالتقزز من الموضوع كله
انا مريت بنفس المرحله هذي لدرجة اني كرهت امي وابوي بس لاني كنت افكر انهم يسوون الشي هذا
تدري اني كرهت نفسي لاني حاااسه انه انا نتاج هالعمليه!!

يعني اقولك لمرحله صرت اقرف من لمس امي او ابوي لي او اي احد قريب مني متزوج !!..

لوقت ما جاء يوم وامي وقفت لي وقفه الا اقول لها وش فيني؟
طبعا اولا انحرجت وبعدها ما تكلمت معاها ولا كلمه ,قمت فتحت النت وقلت شوفي !

المهم امي كلمتني عن الموضوع باقتضاب وانه سنة الله في خلقه والوسيله لحفظ الجنس البشري وانه الرسل والانبياء والصالحين كانوا يقوموا بالشي هذا لانه غريزه اوجدها الله فينا ..
وقالت انه لولا هالشي كان ما طلعت لا هي ولا انا ولا كان وجد بشر زكان انقرضنا مثل الديناصورات
المهم كلام امي صرااحه ما اقنعني في البدايه لكن بديت انا افكر بالوضع بشكل ايجابي شوي
يعني كل شي سيء شفته او سمعته عن العلاقه الزوجيه تماما حاولت اتناساه ولا كاني عرفته
بديت ادور في المواقع عن المواضيع اللي تتناوله بشكل ايجابي وبشكل يحسن ويجمل العلاقه بعيوني ولا يسيء لها
واللي تمم هذا اني حبيت لي شخص صار هو كل حياتي والله العظيم من عرفتها للان عمره ما تطرق للموضوع لكن قربه مني حسسني انه شي عاادي وطبيعي..
حبيبتي مستحيه انتي خذي الامر حبه حبه وبشكل ايجابي وانا اقول لك ما تتحسن الصوره اللي في بالك على طول لكن شوي شوي ان شاء الله كل شي راح يكون تماام
بس اهم شي انتي من داخل اقتنعي بانه شي طبيعي وشي الله وضعه فينا كبشر بس الاهم اننا نستغله بشكل حسن وبالطريقه الصحيحه , وحبيبتي اقراي في المنتديات اللي تتناول الموضوع بايجابيه ابعدي عن المشاكل وعن اي موضوع تحسين انه راح يزيد كرهك للزواج.
بالعكس عيوني مع الوقت ومع اصرارك انتي بانك تغيري رايك وتتقدمي في فهم الموضوع بايجابيه وموضوعيه اكثر راح تكوني اسعد زوجه باذن الله..

والاهم والاهم والاهم الدعاء لله واللجوء له ,لاننا بدونه ولا شي وضعيفيين لكن مع الله باذن الله كل الامور تسير للاحسن



اسفه للاطاله لكن حبيبتي خذي الموضوع بتروي وبايجابيه واسال الله العلي العظيم لك التوفيق بالدنيا والاخره


اتمنى انك تستفيدي من كلامي





اختــــــــك
سندريـــــــــــــــــــلا


يرجى تغيير التوقيع لأنه مخالف