سحسوحة


أشكر لج ردج هذا .. بس أنا وضحت انه ما في حواجز بيني وبين بنتي .. وبعدين هي بتنصدم من ردي هذا لان مب معودتنها على الردود المقتبضة هذي .. من وهي صغيرة مهما كان السؤال محرج ومهما كانت طبيعته .. أرد علها بالرد اللي يقنعها .. لانها ماشالله عليها ذكية .ز وعقلها فوق سنها بعشر سنوات ..

والحين هي في فترة مراهقة .. ولين الحين هي تثق بكلامي .. وتاخذه على محمل جد .. بالتالي انا ما اقدر أخذلها في تساؤلها هذا باجابة مثل هذي .. لان الرد علي بيكون . تراني كبرت خلاص .. شو باقي بعد ؟؟

وأنا وكل اللي حواليها .. من أخوال وأعمام وعمات نعاملها على أساس انها بنت كبيرة .. بس أبوها للأسف يعاملها على أساس انها بعدها صغيرة .. وردوده عليها من وهي صغيرة تكون يوم تكبرين بتعرفين كل شي .. وهي يوم كانت في سن التسع سنوات .. تعرف كل شي عن الدورة الشهرية ((مني)) .. وتعرف انها يوم بتكتبر وبتوصل للسن المناسب .. بتجيها الدورة الشهرية .. وهذا بيكون مؤشر على انها كبرت ومرفوض عليها الالتزام بالادب خارج البيت والحشمة من اخوها اللي أصغر عنها داخل البيت ..

هي لدرجة انها تعرف من وين يطلع الياهل .. من كان عمرها 11 سنة .. وهي تتعامل مع هالأمور بجدية كبيرة .. وياي بس .. أي سؤال في خاطرها تسألني اياه .. بس بأسلوب أو بآخر أجاوبها على أسئلتها .. من دون ما أحسسها ان هالمواضيع عليها محضورات ..

وهي ما استعجلت الكبر .. بالعكس .. كنت أقول لها استمتعي بطفولتج وحياتج .. لان كل سن له متعته ..

أنا عرضت عليكم مشكلتي .. أو بمعنى أصح انحراجي .. علشان تساعدوني أرد عليها بالرد الصحيح المقنع .. لاني اعرفها .. اذا انها ما حصلت الرد مني انا .. بتدوره في مكان ثاني .. مثل ما كانت تسويها مع ابوها يوم ما يقنعها ..


وأنا ما أباها تتعرض للعقدة النفسية الي مرت بها مشاركة الأخت مستحية .. اللي تقول .. كل الأزواج قذرين .. لانها ما كان عندها المعرفة السليمة بالجنس .. ولا تنسون ان في ايامنا هذي الكل يبى يجرب .. وكل الآفاق مفتوحة لهم .. وصعب اننا نخليهم على عماهم من دون توجيهات تربوية من النواحي الجنسية .. وكل نواحي الحياة .. مثل المخدرات . والتدخين وشرب المنكرات ..








مها الكويت ..


تحياتي لج عزيزتي .. وأنا وضحت ان بنتي في سن المراهقة .. الله يعطيها اصحة والعافية يا رب .. عمرها 13 سنة . بس تفكيرها سن 23 .. وأتمنى ردكم علي بأسرع وقت