مشرفنا العزيز وجه الخير .. تحياتي لك وأشكرك وايد على الرابط اللي قدمته لنا ..

وهالرابط ممكن يفيدني في تربية عقيدة أبنائي الأصغر .. أشكرك مرة ثانية



عزيزتي susu_susu

أشكرج وايد .. على ردج هذا .. والله اثلجتي صدري .. وأقنعتيني .. بالدرجة الكافية اللي تقنع بنتي ..

وبالنسبة لنصيحتج لي بأني ما أكذب أبدا وياها .. بالعكس .. والله أنا متوهقة وياها .. اني ما أبغي ألجأ للكذب أبداً في علاقتي معاها .. وأحاول بقدر الإمكان تسهيل الأ/ور عليها وعلى عمري بالصدق .. لانها لو في يوم من الأيام اكتشفت اني كذبت عليها فيأي شي مهما كان بسيط وتافه .. راح تتزعزع ثقتها فيني .. وكل اللي بنيته وياها من جسور التواصل .. بينهدم .. ممكن أي حد يشوف اني مكبرة المواضيع .. ومكبرة العلاقة اللي تجمعني ببنتي .. بس أنا أحاول بكل ما أقدر اني ما أنسى انها في فترة مراهقة .. وما أدراكم ما المراهقة .. فترة انهم يكبرون أي شي في راسهم مهم كان تافه وصغير من وجهة نظرنا .. !

والله انج أفدتيني وايد .. وأناا كنت أدور الحل بيني وبين نفسي وأجل وياها الكلام في الموضوع .. لين شفت مشاركة من المشاركات في المنتدى ,, خلتني أنبه لأهمية الأمر هذا بالنسبة للمراهقات .. والمسألة مب مسألة سؤال والبنت راح تتعقد منه .. بالعكس .. المسألة مسألة طريقة تفكير المراهقين المتعبة .. اللي ترهق الأباء والأبناء على حد سواء .. !

والحمد لله ان الاحترام موجود بينا .. لدرجة ان أي وحة مننا ما ترضى الغلط على الثانية .. يعني متعاونين .. وكأننا خوات والحمد لله ..


بارك الله فيج وفي كل الأخوان والأخوات اللي شاركونا ..




أبو خليل ..

تحياتي لك ,, وبارك الله لك في عيالك .. ويخليك لهم انشالله





أم كريم ..

الله يبارك لج في ولدج كريم .. انشالله .. ويكبر وتشوفينه معرس .. تاخذه عنج وحدة ثانية :P

والله يرزقكم الذرية الصالحة يا رب .. اللهم آمين











تحياتي لكم جميعا