جزاكم الله خير جميعا
اختي ام فلان انا عارف ان الزواج مهوب لعبه وهذا اللي مخليني صابر , بس كيف اخليها تنام ليلتين واساس المشكله انها تنام عند اهلها ليله بالاسبوع , صدقوني الأمر يهون لو انها ماردت كلمتي وكسرتها وهذا اللي خلاني اصر واخليها تطلع غصب اخر مره , بس يا أخوان مهوب حل اني كل مره اغصبها تنزل ابيها من نفسها تتغير , خصوصا انها بنت طيبه وبنت عائله طيبه واهلها والله اجواد لا كن الدلع الزايد هو اللي مخربها , اختي ام فلان لنا الحين اسبوع تقريباً على هذا الحال , وديتها مره لأهلها خلال هلأسبوع وجيت وخذتها بدون مشاكل لاكن المشكله اني حاولت اكلمها عشان نحط النقط على الحروف عشان ماتتكر المشكله لاكن للأسف بدون جدوى , وهذا طبعها بعد اي مشكلة ترفض اناقشها اكيد لانها عارفه انها غلطانه وتقول مافيه شي الوضع طبيعي وتقوم بواجباتها التقليديه بالبيت بشكل طبيعي ولآني عندي مسؤليات ثانيه وهموم ثانيه خارج البيت احاول انسى ويرجع الوضع طبيعي لكن المره هذي طفح الكيل وماعاد اقدر اتحمل اكثر , اعاننا الله بالصبر.
اخواني اللي يقولون ودها لأهلها ودور غيرها , اقولهم يمكن اني بالغت شوي بوصف المشكله لكن صدقوني ولو اني شاك ولو واحد بالمئه انها ماتحب زوجها او اخلاقها سيئه كان وديتها من اول شهر لبيت اهلها ولا سئلت فيها.
شكرا جزيلاً ياأخوان