السلام عليكم
هذي اول مشاركه لي في المنتدى واول موضوع اقراه هو موضوعك يا اختي
وللاخت متزوجه ولكن اول ماقريت موضوعك حسيت انك تتكلمين عني نفس القصه عندي بس انا تطورت يعني انتي لسه اربع سنين متزوجه انا اكثر بس انا قريبه من عمرك 28 سنه وزوجي اكبر من زوجك بشوي انا مادري شفيهم هذول الرجال ليش يتزوجون حريم صغار ويظلمونهم دامهم مو كفؤ والا المسالة بس عيال !!
باختصار انا نفس قصتك وكنت اعاني مثلك خاصه لما يتكلمون عني البنات والحريم اني جميله ويابخت زوجها شكله يدللها ومثل هالكلام وكنت انقهر لاني اقعد بالاسابيع وكأني نايمه مع أبو الهول !!
وهو كان ملتزم ماعنده خرابيط ولا تدخين ومن البيت للشغل باختصار نفس القصه بالضبط قريت وسالت وسويت نفس اللي قالوا من نصايح وللاسف لاحياة لمن تنادي
بس انا كنت اتمنى انه يتغير انه يتعلم من الناس والشباب يصير عنده روح شبابيه ماعندي مانع يغازل كنت اقول خله يتعلم الغزل يمكن يطبقه معاي وهو عنده اصلا ميول بس ماكان عنده جرأه وبصراحه كنت اقول صايع وفاهم للحياه الزوجيه ويريحني افضل من واحد بارد يتعبني وماكان عندي مانع يشوف حريم في التلفزيون حتى لو كانت بصوره فاضحه مثل فيديوكليب هالايام كنت اقول يمكن يتاثر يمكن يتعلم اصلا ماكنت اغار عليه لاني ماشعرت منه بشي ومع مرور السنوات تغيرت شلته اللي يمشي معاهم شله صايعه وبدى يشوف قنوات الدش الغير مرغوبه وخاصه بغرفة النوم وبدى يدخن مثل شلته ومثل ماقلت هو اصلا عنده ميول بس ماعنده الجرأه لكن لما لقى اللي يساعده طلع المخبى وبدا يدخن بشراهه ويشوف مو افلام وبس الا حطى قمر اوروبي زعلت في البدايه قلت حرام ومن هالكلام بس لما شفت انه تغير وبدى يتطور قلت يالله هذا اللي ابيه بس للاسف صار مو علاقه زوجيه طبيعيه صارت شاذه يعني ممكن تنتهي بدون مايكون فيه معاشره وماتخلى من التدخين المنتن وصار مهمل ويسهر مع ربعه للتدخين والمصاخه وانا ماتحملت انقرفت زوج قذر ومهمل وبعد ما احصل شي من المتعه الزوجيه !!
يعني يكتفي يتفرج وبس !!!!
اعتقد مشكلتهم مو برود ولا شي المشكله شذوذ تاخرهم في الزواج خلاهم يخففون الشهوه عندهم بطريقه ثانيه وتعودوا عليها ولما تزوجوا ماتكيفوا للطريقه الفطريه وطلعت مو مسالة شبابي ولا غيره بدليل ان ابائنا واجدادنا كانوا فحول بدون صياعه ولا مغازل ولا فهم للحياه بس فهموا كيف الحياة الزوجيه لانهم تزوجوا في وقت شدة الرغبة عندهم واستمعتوا طبيعي مو شذوذ !!
طبعا يا اختي انا مريت باللي مريتيه وهو لما تطور تتوقعي بينوبك شي بس هو مره او مرتين ويرجع مثل قبل أو تكون شهوه عنده بس تفريغ بطريقه ثانيه بدون معاشره !!
يعني مثل هالنوعيه مثل الرجال حسافه اسمهم رجال
على الاقل الرجال لو ابتلي بزوجه بارده ممكن يتزوج غيرها بس الزوجه تكون بين نارين بين عيالها وكيف تتركهم وبين حاجتها الجنسيه
وانا عشت هالصراع كثير وخاصه لاني لازلت صغيره خفت من الحرام وفكرت في الطلاق بس خفت يتبهدلوا عيالي وانبني ضميري كيف افكر بنفسي وانسى عيالي
ولكن في الاخير اتخذت القرار واخترت اولادي بس كرهت زوجي ماتحمل اشوفه وصرت بغرفه وهو بغرفه ورغبتي الجنسيه انقتلت وماعدت افكر بشي اسمه رغبه جنسيه احس اني خلاص فيني عجز خاصه لما اشوف زوجي!!!
أما هو عادي عنده الدش بغرفته ويتصرف اما انا مصممه ابغي الجماع بالطريقه الفطريه والطبيعيه اللي تبتدي بمداعبه وتنتهي بمعاشره ولانها غير متوفره او غير مشبعه ماتت عندي و صرت اعامل نفسي كاني بنت او ارمله اي شي المهم اقنعت نفسي اني بدون زوج وارتحت نفسيا وحتى لما اسمع كلمة ياحظ زوجها او غيره خلااااااااص عاااااااادي عندي مااتكدر وما اغتم تعودت الوضع واتقبلته ولازلت اتعدل والبس كأن عندي زوج بس انا البس احتراما لنفسي ولان نفسي لها قيمه عندي ومارضى الا اكون باجمل حال
وشغلت نفسي بعيالي وتربيتهم وبالزيارات
وصرت اكرر دايما اللهم اكفني بحلالك عن حرامك واغنني بفضلك عمن سواك
واقول اللهم اجرني في مصيبتي واخلفني خيرا منها
اما انتي ياختي فنصيحتي لك دام انك لازلت تشعرين برغبه فارضي بالقليل ومثل مايقولون الجود في الموجود واعرفي ان البيوت اسرار وفي مثلك كثير وان هذا ابتلاء من الله واختبار لصبرك وقوة ايمانك ولا يغرك كلام الحريم ترى كل واحده مبتليه
واشغلي نفسك بأي شي الا المتعه الجنسيه انسيها او تناسيها دام ان زوجك فيه مواصفات جيده شوفي محاسنه وطيبته واخلاصه وتجاهلي هالعيب
واتمنى مايتطور زوجك للاسوا وتصير حالتك كحالتي وتغتال عندك الرغبه كما اغتيلت عندي!! لان مثل هالنوعيه ماراح تتغير انتي اربع سنوات وماتغير وانا اكثر من عشر سنوات وماتغير شي وماراح يتغير وبالعكس لما تغير تغير للأسوأ!!!
فمادام انه يعاشرك لو قليل وانتي تحبينه وهو طيب ومشكلتك بس هذي فارضي بنصيبك والله الموفق