حبيباتي شكرا لكم على تفاعلكم معايا والله يجعلها في موازين حسناتكم بس إذا تتكرموا تدلوني على طرق اقدر ابدأ بيها معاه يعني شي بعد قطيعة6اشهر وبرود تام ويكون ممكن عملها في الفندق مع وجود أطفالي لان الطرق الرائعة بالمنتدى يبي لها شوية وقت يعني مو على طول.

أختي حمرة الورد...........
شكرا لك وأنا ابي اسوي زي ما قلت وأتمنى انك تدليني على فكره تفيدني والله يقدرك على فعل الخير

أختي مهاوي.................
مشكووووووره على ردك الجميل بس عزيزتي بالنسبة للبس القمصان فهذا هو الشي الوحيد اللي كنت اعرفه لأني أحب اشتري قمصان النوم بجنون وكنت البس بعضها لكن الغالبيه جديدة زي ما اشتريتها لأني لما كنت البس قمصان زوجي ما يفرق معاه شي وبما إن أطفالي يناموا معايا في الغرفة فالبيجامات استر ؟؟؟؟؟؟
لكن بالنسبة للكلام الحلو فهذا الشي اللي أتمنى ان اقدر عليه وبالذات ان زوجي مصاب بمرض الصمت الزوجي حتى لما كان يصير بيننا شي كان والله بدون أي مقدمه أو أي كلمه فما بالك بالحياة كله في صمت ولما أحب أتكلم أو حتى لو فكرت اتدلع ما أحس انه بيتقبل أتمنى انك فهمتيني والصورة تكون وضحت.....وتفيديني الله يسعدك

أختي الرزينة................
شكرا ياغاليه وأكيد الطريق المستقيم هو أسهل الطرق للوصول لكن ما اعتقد إني حاقدر. الحكاية مو خجل لأني عتيقة لكن لأني مااتعودت إني اسوي حركات كده وخاصة وأنا اعتقد إني ما راح ألاقي قبول اقلها في البداية من باردة إلى حارة يعني لازم يكون فيه مقدمات وياريت تفيديني فيها..... أكيد فهمتيني و أتمنى لك السعادة

أختي mema
بجد اخجلتيني بذوقك وأسلوبك الرائع والله يسعدك ويعطيك اللي في بالك
بس أختي أتمنى انك تكوني فهمتي وضعي من الردود السابقة يعني لو حسيت ان زوجي حيقبل أنا ما كنت اتاخرت بس زوجي إنسان ما يتكلم ولا تعرفي تاخدي منه لا حق ولا باطل يعني ما اعرف اش بداخله وما أحس منه تجاوب عشان كده أنا مترددة وابي طريقه تكون حلوه ومعقولة بس في البداية كمدخل له يعني طريقة لقاء بعد طول غياب والباقي أنا عارفه ان المنتدى رائع وملئ بالأفكار بس كيف البداية
يعني ما اقصد اللبس ولا الشكل ولا أوضاع أنا اقصد ان طريقة مقابلتي له أول ما أشوفه كيف تكون لأنها هي اللي حتحدد إذا بعدها اتفاعلت معاه حيتجاوب أو حينصدم
واسفه لإزعاجكم لكن كرم أخلاقكم هو اللي طمعني إني أطلبكم
والظاهر إني حاغير اسمي من وجه القمر للمزعجه0000000000
وتقبلوا اصدق تحياتي