السلام عليكم

مشكوره هنوفه على هالفكره الحلوه
يالله ام العيال السنعه بتكون اول وحده
طبعا انا في السعوديه او الخليج عامه نقدر الرز
اي شي فيه رز مايهم اهم شي رز

ومن الوصفات الحلوه واللي يحبها ابو العيال اهي المقلوبه
ماراح اقول مقادير وطريقه بقول الوصفه وانتم دبرو انفسكم
اول شي تسلقين رز ابيض ساده طبعا اهم شي في الرز انه يكون بسمتي ومنقوع اقل شي نص ساعه
بعدين تقلين حلقات بطاطس وباذنجان
وتجهزين الدجاج بطريقتك يعني تقطعين بصل وتقلينه في شويه زيتوبعدين تحطين عليه طماط مطحون بعدين تحطين معجون طماطم
وبعده الدجاج وتخلينه لحد مايتسبك
بعد كذا تجيبين صينيه تصفين فيها حلقات البطاطس والباذنجان وبعدين تسبيكه الدجاج ويكون فيها شويه مويه
بعدين الرز طبعا يكون الرز باقي عليه نتفه ويستوي
تحطين عليها قصدير وتدخلينها في الفرن او على الفرن من فوق على نار هاديه حتى يكمل الرز استوى
طبعا الاكل كله لازم تحطين عليه ملح وبهارات وقرفه وهيل ومن هالحركات
بعد كذا تقلبينها في صحن التقديم بيكون شكلها كانها كيكه وبالعافيه مقدما
بصراحه تعبت عورني اصبعي من الكتابه بس لي رجعه مع محشي كووسه ولا اسهل منه وطعمه خيالي

تحيااتي لك هنوفه ولكل واحد بيشوف الوصفه

__________________