أنا عايز أحكيلكم سريعا ما حدث بيني وبينها يوم أمس حين خرجنا سويا
طبعا إحنا كنا خارجين ومتفقين على الذهاب للسينما في هذا اليوم
جيت واحنا ماشين أمسك إيديها وأخليها بيدى أو متعلقة بذراعي ، فرفضت وقالتلي متحاولش تعمل كده تاني لأنك ستحرج نفسك أمام الناس
على فكرة يا جماعة خطيبتي كانت في الأول لا يمكن ترفض تضع يدها في يدى أو تعلقها بذراعي ، بل كنا من قبل بنمشي وأيدينا ممسكة ببعض مثل أي اتنين مخوبين وبيحبوا بعض
طبعا لما عملت كده تضايقت جدا منها وخليتها تشوف بعينها كل اتنين مخطوبين في الشارع إزاي ماشيين وحبهم باين عليهم
مشينا ساكتين لغاية ما دخلنا قاعة السينما وقبل ما يبدأ العرض كلمتها بانفعال هادئ نوعا وسألتها : إيه اللي مغيرك .. ؟؟
ألاقيها بتبص لي وتبتسم وتقولي أنا متغيرتش ولا حاجة وعاتبتها وقلتلها إني لقيتك في الأيام اللي فاتت مش متحملة كلامي وقلتي كلامك لا يعجبني وحاول تغيره .. ثم أصبحت لا تطيقى أن تضعي يدك بيدي
المهم جيت قبل العرض أحاول أمسك يدها مرة أخرى لقيتها بقت عادي زي ما كنا زمان ومممسكة بيدي ولا تتركها وفضلنا كده طوال فترة العرض
خرجنا بعد العرض حاولت أمسك يدها تاني رفضت .. اعلقها بذراعي .. رفضت .. أضع يدي على كتفها رفضت وقالت لي إن يدي ثقيلة على كتفها .. ولعلمكم كانت لا ترفض ذلك أيضا في البداية ......
فكلمتها بأسلوب آخر وقلتلها إني عايز أخطبها من جديد ... لأن خطيبتي اللي بالمواصفات (اللي أنا مش عايزها ) والتي كتبتها لكم في رأس الموضوع .. أصبحت لا أطيقها .. وقلت لها أنا عايز خطيبتي كذا وكذا وكذا ( المواصفات الحلوة التي أرغب بها ) والتي كتبتها لكم في رأس الموضوع
قالت لي : أنت بقى عايز تقول إني معاك مش كده ؟؟ صح ؟
جلسنا سويا في إحدي الكافيتريات لنتكلم سويا في هذا الأمر .. فقالت لي إنها لن تتغير وإن هذه هي شخصيتها .. فقلت لها أنا خطيبك .. ومن حقى أن أشعر بحب خطيبتي لي مثلما أشعرها بحبي .. لأني حاسس إني بحبك وبحاول أسعدك بكل طريقة ولكن بدون مقابل منك وده خلاني أشعر إني فارض نفسي عليكي .
فقالت لي خلاص .. متفرضش نفسك تاني ..
بقيت مش عارف .. هل هي عايزاني الواد التقيل اللي يخليها هي اللي تجري وراه ..
أم هي خجولة ولا تستطيع التعبير عن حبها بالطريقة التي طلبتها منها ( على الرغم من أنها فعلت كل ما تصورته ولكن كما قلت من قبل على مرات مش مرة واحدة في كل زيارة
أم هي أصبحت لا تطيقني
ولكن أنا شعرت منها أمس أنها تحبني ولكنها ..........!! مش عارف . لماذا أصبحت هكذا معى ؟؟؟

هل من مفسر ؟؟؟ وهل من ناصح ؟؟؟ إيه الحـــــــــــل ؟؟؟