ماشاء الله اخي سكوتر قال اللي على لساني....
الحمدلله زوجة اتحبها واتحبك... شو المطلوب زياده.. تفكير وماعرف شو ...شو بيزيد..والطامه انها ياريت رافضة انها تتغير..
بالعكس المسكينه ماتقصر... شو المشكله اذا؟؟؟؟....المشكلة واعذرني اخي فيك انت... انت شو تريد؟؟
انت تتعذر والدليل ان المسكينه رغم محاولاتها للتغيير انت مب مقتنع لان داخلك مب مقتنع....مصر على اختلاق العذر.. وتبى اتخلي زوجك هي الشماعه ..
واذا اتزوجت شو بتكسب؟؟؟........ بالاصح فكر في الخسارة واحسبها صح...
زوجك الاولى بتكرهك وتتغير مشاعرها لك..واللي حاولت انها تغيرها في نفسها بترجعله وبتحس انه مافي فايده منك...لانك اتخليت عنها رغم اللي اتسويه لك
والزوجة الثانية...بتعطي نفسك ضمان 100% انها ماراح اتكون مثل الاولى..... الا الخوف لاتكسب هذه ولا هذه.. واتصيح وتندم واتقول لو حمدت ربي على النعمه...
خل التعدد للي صدق محتاجه..... في ناس مبتلين بأخس من كذا مشاكل اللي ماتجيبله عيال...واللي طبعها شين وماينطاق ...واللي لاتحبه ولاتبغيه ..بس يخافون التعدد من ربهم... لاتنسى حسابه في الاخره رغم متعته في الدنيا.....
نصيحه اخيره... وقف مع نفسك وقفة حق... وراجعها شو تريد بالضبط... لاترمي بالعذر على الزوجه فكر بمشكلة الاصليه وخل الزوجه على جنب...
وعسى الله يهديك للي فيه الخير والصواب لك ولزوجك