أخواني اعضاااء المنتدى

انا الصرااحة في حيرة من امري وابي اعرف شووو اسوووووي

شهر 4 اللي طاف طرش ولد عمي اخته تقولي انه يبي يخطبني اذا موافقة والا لا عشان يكلم الوالد ... لانه يخاف اني اكووون ما ابيه وبعدين يسوي مشاكل في العايله وبين ابوووي وابووووه اذا تقدم ورفضته .... انا قلت لاخته خله يتقدم لاني مستحيل ارد عليه لازم يكلم ابوووووي في المووضوووع وبعدين بفكر .. شيء من وراااء ابوووي ما اسووويه ...

المهم تميت اتريااا يتقدم بس وااايد تأخر ... وتقدم في شهر 6 ( اعصااابي وااايد تعبيت لانه يومه بسنه ) وابوووي كلمني قالي ولد عمج ياينج خاطب تبينه والا لا ... وانا صليت استخاااره الصراااحة ماشفت شيء ولا حسيت بشيء بس وافقت عليه لانه اخلاقه عاليه ومن الاهل ... اللين الحين مافي مشكله

من فترة طويلة وانا عضووة في احد المنتديات الثقاافية وفي واحد من الاعضاااء يحاول يتقربلي بشتى الطرق ( طريقته وايد محترمة ) وحسيته انساااان متدين ومحترم ... وانا الصراااااحة مو راعيه هالسوالف وكنت دايما اصده ... وما ارد على رساايله في الخاااص ... وما خله قصيدة حب وشووق ما طرشهاااا وانا مو معبرتنه ... استمر جذي من شهر 3 اللين 5 تقريبا وفي شهر خمسه ( يوووم مليت من ولد عمي اللي ما يبي يتقدم ) كان مرة يطلب ايميلي وعطيته اياااه وضافني على الماسنجر مااااله ...

انا اصلا من النووووع اللي ما يدش الماسنجر واااااايد وفي يوم كنت داشه ولاقيته وكلمني وانا بسرعه انهيت المكالمة ... لاكن هووو ما يأس وتم يطرش لي رسايل على المنتدى اني ابطل الماسنجر يباني في مووضوووع مهم وانا ماسكه عمري بالغصب ( الصراحة اعجبت وااايد بألحاحه ) لاني تعبته بس هوو ما تعب ...

في هالاثناااء تقدم ولد عمي لابوووي وكان هذااا في شهر 6 انا من الفرحة قطعت المنتدى وما قمت ادش الماسنجر ( واسبوووع واحد ورديت على المعرس بالموافقه ) بس ولد عمي ربي يسااامحه الحين بندش في شهر 8 وبعده ما ياب أهله عسب يتفقون على المهر وموعد الملجه و العرس ... وسكت على السالفه ... واسمع انه في هالاياااام ساااير يصيف .. وانه سحب بيزات من البنك واشترى سيارة يديده ... وانه ما عنده بيزات للزواج ...

ويوووم ابوووه عرف تحسف لانه كلم ابوووي في المووضووع لان ولده طلع موو جاهز ولا يقدر يعرس الحينه

هالشيء يابلي احباااط والله ... وقمت اسووولف في الماسنجر مع ذاااك العضووو الصراحة هوو وايد محترم وطيب ويقووولي انا احبج موووت ... وكل ما اباا اقطعه لاني احس اللي اسوويه غلط اني اسولف مع شخص غريب عني ... بس هو يحاصرني برساايله ويقووولي اذا قطعتيني بمووووت ما اقدر اعيش من دوووونح

تشتت تفكيري واحس عمري كرهت ولد عمي لانه هو اللي اجبرني اسوووي هالاشيااااء كلهااا


اخواني اعرف اني غلطاانه بس والله احس عمري قمت احب ذااك العضوووو ... لانه واااايد متمسك فيني

شوووووووووووووو اسوووووووووووي ... التفكير متعبني

ما اقدر اقووول لذاااك العضووو اذا تحبني تقدم لي : لانه ظروفه الماليه مووو اوكي هو ما خبرني انا عرفت بطريقتي الخاصة
وبعدين حتى لو تقدم لي اهلي بيقوولوون انتي ولد عمج خلااااص خطباااج ( وينه ولد عمي يااااحسره )

نسيت اقووولكم ان في الفترة اللي ولد عمي خطبني فيها وسكت تقدم لي واااحد حسيته زين وامي تشجعت له بس ابوووي قال لا بس البنت ولد عمها حجزها حتى لو مو جاااهز خلوووه براااحته وانا ما قدرت اقوول شيء

قااموا خواتي في البيت ينغزوون علي بالرمسه ويقوولوون وينه عريس الغفله ما يه ... ووحده من خواتي تقوولي انا لو منج ما آخذه لانه باارد ما يتحرك ويتمم المووضووع بسرعه هو يووم ما عنده بيزات ليش يي ويخطب ويعلقج انتي موو صغيره

اخواااني نسيت اقوووولكم ان عمري 24 سنة وانا ادري ان عندي فرااااغ عاطفي بس كل اللي في عمري تزووجوووا

ارجوووكم انصحووووني تراااني احس عمري ضايعه واخاف اسوي شيء غلط واندم عليه