موضوع نافع وجميل جزاك الله خير عليه..

أخي الكريم.. الملل ومثل ما نعرف كلنا يأتي من الروتين أو من أوقات الفراغ الكثيره..
وكلامك صحيح جدا فيما يتعلق بأن الزوج طفل كبير يحتاج إلى عنايه
وأحد يسأل عنه ويهتم فيه.. لكن مسؤوليات الزوجه ما تنتهي..
فمن جهة مثل ما ذكرت الأطفال ومن جهه ثانيه البيت وممكن فوق هذا تكون موظفه.....
أكيد إن الزوجه الذكيه والمحافظه على حياة أسرتها ماراح يصعب عليها الترتيب بين مسؤولياتها بهدف الحصول على حياه مستقره ومنتظمه...
لكن للزوج وبدل إنه ينحرف أو يلجأ للخطأ في تمضي وقته إنه يساعدها في هاذي المسؤوليات.. في تربية عياله، في إدارة شؤون البيت مع زوجته وتواجده المستمر.. في التخفيف من الحمل عن الزوجه حتى تجد الوقت له هو..
مش تلاقي بعض الأزواج بس يصير عنده عيال يترك التربيه بالكامل على الزوجه وكأنها جابتهم بنفسها لنفسها ويكون خلاص.. الصبح في الدوام يرجع تعبان ينام شوي ومن يقوم يبدأ الدوام الثاني بين المقاهي والشباب لتمضية الوقت ويرجع آخر الليل لازم زوجته تكون جاهزه نفسيا وجسديا..!! حتى ماعنده وقت للسؤال عن حال العيال ودراستهم وشو صار معاهم في يومهم وهذا شي مهم جدا..
صدقني إذا شغل نفسه معاهم وخصص لهم الإهتمام الكامل ماراح يمل.. وراح يكسب زوجته أكثر..

الزوجين لازم كل واحد منهم يبتكر..على الأقل يحسس الطرف الثاني إنه يحاول ويبذل مجهود حتى تصير حياتهم أفضل.. بس حسيت بالملل غير الجو..
فكر في لعبه حلوه تلعبونها مع بعض مثل أيام الخطوبه..
أو حتى قوم إنت وزوجتك وإقترح عليها "بطلع ساعه وراجع تكونين لي عروس" ولول سمحت إختار وضع مناسب لأنها صعبه شوي..وطبعا ترجع ومعاك هديه صغيره أو حتى ورده..وهي راح تحس بحماسك وتحاول تغير الجو معاك..
لك إنك تتظاهر بتغيير شخصيتك.. فتصير الخطيب وهي خطيبتك.. أو تغير في أسلوب كلامك للهجه ثانيه...
أو حتى تروح وتدور لبس قديم عندك وعندها مش محتاجين له وتلعبون فيه شوي إنت وزوجتك ومخيلتكم وتلبسونه..وشوفوا النتيجه..

هذا هو الزواج..حياه مشتركه فيها الحلو والمر..ويرجع للزوجين درجة الحلاوه والمروره إلي يحددونها في حياتهم لأنها "شراكه" بين الإثنين يهدمون أو يبنون فيها..

والله يكتب لنا السعاده...

__________________