عزيزتي : لا تزعلين اذا قلت انك انت السبب لانك خليت من نفسج انسانه سلبيه مئه في المئه . لانك تنازلت عن كل حقوقج من اول يوم زواج . صدقيني ما في زوج ما يحب زوجته تتعدل حقه والريال ما يحب ان الزوجه تكون مستسلمه وانت بروحج قلت انك ضيعت شبابج مع واحد ما يستاهل وتزوج عليج لدرجة انك وافقت تعيشين مع ضره في بيت واحد. نصيحتي لك انك تضعين له حد علشان يعرف قدرج عدل وخلي اهلك يتكلمون معاه ولا تضيعين حياتج اكثر من كذي . ذكريه بأن الله ما ينسى الظالم ابدا لان عمره ما عدل بينكم وقوليله ان الله قال (فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ) وادعي من الله ان يهديه لكن اذا حب ان يرجعك حطي ليه شروط واذا رضى كان بها واذا ما رضى انت بعد خلك قويه وبيعيه مثل ما باعج والحين اتمنى لك التوفيق

الأخت الفاضلة
الرجاء التثبت من كتابة الآيات الكريمة