والله يا اخواني انا قريت ردودكم ووالله اني صبرت وااايد لكن ما شي فايده في اخر مره يوم كان معصب نطق كلمة الطلاق وقالي روحي عند اهلج .....زلكني ما رحت وخلاني ناقعه في البيت وطلع راح الحبيب البحر ويا ربعه وانا احرق في دمي كرهت افعاله لي وقعدت وحاولت اقنعه بالصلح علشان لو كبر الموضوع ووصل عند اهلي بيكرهونه ومب بعيد يجبروني اطلب الطلاق وانا قلت له لو رحت عند اهلي ما بيخلوني ارجع لكن والله انه يقو لا ترجعين انا ما ابغيج ترجعين اقوله انت ما تحبني يقول لا ها الكلام هو عقه علي وما عرف شو تاثيره في نفسيتي وعقب تم يقولي انتي كله تصيحين ما تتعبين اقوله لو انت شخص مب مهم في حياتي ما بصيح ولا بفتكر قلت له لو وحده ثانيه طلقتها جان روحت بيت اهلها لكن انا لميت الموضوع .........للاسف يتحراني لميت الموضوع خوفا من اهلي ........سكرت على نفسي باب الحمام(عزكم الله ) وتميت اصيح فيه لين يا عندي وقالي قومي مسحي دموعج واونه يكلمني جني بشكارته ولا اهتم انه يحظني ويراضيني ويكلمني بس كانه يبي يسكتني .......وانا الحين من كثر ما يقولي ما احبج في اقل خلاف ما قمت اصدقه يوم يرجع يقولي احبج........
بديت احس اني اكرهه وافكر اني اروح بيت اهلي كم يوم اريح اعصابي لكن خوفي من امه انتو ما تعرفون هي ما تصدق تلقاه بروحه علشان تجلبه علي وتسحبه بالكلام الحلو .........
وبعد ما دورت عند الناس لقيت ان ما في حد يحب ها الانسانه انا تحريت لانها تغار في البدايه لكن اكتشفت ان هاي الانسانه هي نفسها خايسه واخر شي وصلني انها تتكلم عني جدام الناس وتشوه صورتي جدامهم...........ما اعرف ...احس اني ظايعه