السلام عليكم :

أنا أنصحك يا أختي بالصبر ... وتنقذي حياتك من الطلاق فأنا مريت بنفس مشكلتك وأكثر أنا زوجي منذ بداية زواجي وهو يخونني بس أنا ماكنت أعرف لأنه كان معايا مرة كويس ويراعي مشاعري وعمره مامدح او اتغزل بامراة امامي ومع ذلك اكتشفت مرة بالصدفة انه يكلم وحدة بالتليفون اتعرف عليها في مستشفى هي بتشتغل فيه وطبعا لما عرفت وواجهته انكر تماما وقال لي هي بتغازلني وهي بتطاردني وعملت نفسي اني مصدقته وانا عارفه الحقيقة وتكررت الحكاية بعد كدة اكثر من مرة ...أحيانا كنت اقدر اخذ ارقام بعض هؤلاء البنات واكلمهم واتفاهم معاهم ولما يعرفوا انه متزوج يتركوه لكن بعد كدة خلاص تعبت عرفت الحقيقة المرة وهي انه حيفضل كدة على طول لانه بطبعه يحب البنات
وصرت بس ادعي له بالهداية وصرت ما افتش جواله بالمرة..وعلى فكرة انا لما كنت حامل
أدمن على الشات لكن الحمد لله من يوم مارجعت البيت ترك الشات وترك الكمبيوتر كله
ولما نفتح مواضيع عن المعاكسات يقول لي انه مستحيل يفضل اي وحدة علي وان الشاب اللي يكلم بنت من باب التسلية بس . احنا الحريم مساكين مالنا الا الصبر .
وباعطيكي نصيحة : لا تخلي زوجك هدفك ضعي اهداف اخرى في حياتك اعطي له حقوقه ولا تحرمي نفسك من اي شي ... ترى الرجال لما يكونوا مخطئين يحاولوا يعوضوا
المرأة أهم شي لا تنكدي عليه ... مادام معاك كويس خليه هو الخسران في النهاية.